Bino va inshootlar

USTUNLARNI MONTAJ QILISH UCHUN
TEXNOLOGIK XARITA
Umumiy tushuntirish qismi
Ushbu texnologik xarita 2 prolyotli, 1 qavatli bino uchun yig'ma temirbeton ustunlarini montaj qilish uchun ishlab chiqilagan.
Ustunlar oralig'i 6 x 18 m; rejadagi o'lchamlari 36 x 84 m asosiy qurilmalarning tagigacha bo'lgan balandligi 7,2 m dir. Ustunni og'irligi 3,8 tn; Ustunlarni montaj qilish uchun ortishi va taxlash ishlarini olib borish 1 smenaga mo'ljallangan. Texnologik xaritada ko'zda tutilgan ishlarga quyidagilar kiradi. Ustunni montaj qilish va poydevor stakani bilan choklarni mustahkamlash.


QURILISH MONTAJ JARAYONINI
TASHKIL ETISH

Montaj ishlarini boshlashdan oldin quyidagi ishlari bajarilgan bo'lishi kerak.

- Ustun qo'yiladigan poydevorni tagini tayyorligi, poydevor asoslarini akt bilan qabul
qilingan bo'lishi.
- Beton pollarini tagidagi beton to'shamani barpo etish.
- Prolyotlarda kran yurish yo'llari va to'xtash joylari belgilanishi.
- Kranni uzluksiz ishlashi uchun kerakli bo'lgan konstruksiyalar kran ta'siri doirasida olib kelingan bo'lishi.
- Kerakli bo'lgan instrument va montaj moslamalari olib kelingan bo'lishi.
- Ustunlarni montaj qilishdan oldin poydevor stakanlarini geodezik asboblar bilan
vertikal va gorizontal to'g'riligini loyiha bo'yicha tekshirilib kegin ustunlar montaj qilinadi.
Ustunlarni montaj qilishda poydevor stakani ichiga, qorishma va taglik qo'yib loyiha
balandliklariga keltiriladi. Har bir ustunni montaj qilishda, unda yoriqlar yo'qligi rakvinalar sinig'ligini yo'qligi, ochiq o'zaklar, betonlar yopishganlari, montaj teshiklari, uning o'lchamlari, zakladnoy detallarni to'g'riligi tekshiriladi.
Ustunni montaj qilish uchun MKG - 10 kran bilan ish olib boriladi. Ustunni ko'tarish uchun 5 tn yuk ko'taruvchi strok qisqichidan foydalaniladi.
Ustunlarni aylantirib ko'tarish usulida montaj qilinib stakan poydevorga pastki qismi tushiriladi. Ushlab turish uchun raschalkalar xam ishlatiladi.
Ustun va poydevor tugunlariga beton qorishmasi quyilib, beton 70% mustahkamligini egallagandan so'ng pona va raschalkalar olinadi.