Bilimlendiriw processin jaqsılawǵa baǵdarlanǵan informaciyalıq resurslar

Bilimlendiriw processin jaqsılawǵa baǵdarlanǵan informaciyalıq resurslar
Elektron resurs jaratıwdıń kópshilik ushın jeńil, arnawlı komp’yuterlik bilimdi talap etpeytuǵın baǵdarlamanı izlegen pedagoglar iSpring kompaniyasınıń ónimlerinnen keń túrde paydalanbaqta.
Búgingi kúnde iSpring kompaniyası – elektronlıq oqıw kursların hám onlayn prezentaciyalar tayarlawshı dún’yadaǵı eń belgili kompaniya.
iSpring Suite baǵdarlamasınıń imkaniyatları: PowerPoint effektleri menen animaciyaların elektron kurs formatına sapalı túrlendiriw; kursqa audio/video formatındaǵı xújjetlerdi biriktiriw; interaktivlik shınıǵıwlar qosıw múmkinshiligi; test qollanıw arqalı úlgerimdi qadaǵalaw, anketalar menen sorawlar dúziw. iSpring Suite – PowerPoint baǵdarlaması bazasında prezentaciyalar, elektronlıq kurslar, testler, interaktivlik fayllar jaratıwǵa arnalǵan.
iSpring Presenter, iSpring Suite kómegi menen prezentaciyaǵa tiykarlanǵan kásibiy elektronlıq kurs jaratıwǵa bolatuǵın bolsa, iSpring Online járdeminde aralıqtan oqıtıwǵa kerekli onlayn kurs jaratıwǵa múmkinshilik tuwıladı. Al iSpring PRO arqalı HTML5 hám Flash prezentaciyalardı tikkeley PowerPoint-ta jaratıwǵa boladı.
iSpring QuizMaker baǵdarlaması interaktiv on eki túrli tiptegi test dúziwge hám on eki túrli tapsırmalar sistemasın qamtıydı.
iSpring Suite-7, iSpring Suite-8, iSpring Suite-9 bular joqarıda atı atalǵan baǵdarlamalardıń kompleksli jıynaǵı desekte boladı.
iSpring Suite baǵdarlamasın ornatqannan soń Siziń komp’yuterińizden PowerPoint programmasın iske túsirgenimizde, onıń menyu qatıranan (1-súwret) iSpring Suite menyusya payda bolǵanın kóriwge boladı.

1-súwret. Power Point baǵdarlaması menyusı
Pútkil oqıwlıq materilın slayd túrinde jobalastırıp alıp, hár bir temaǵa kerekli materialdı sol jobanıń qasına kirite berseńiz boladı.
iSpring Suite járdeminde videojazbalar, audiojazbalar, súretler, mul’timediyalıq materiallar kirite alasız, hám bir prezentaciyaǵa jıynaqlaǵan materiallarıńızdı HTML5 formatına ózgertip, elektron kursqa aynaldıra alasız.
iSpring Suite baǵdarmalasın ornatqanımızdayn keyin jumısshı stolda payda bolǵan ikonkasına tıshqanshanı basıw arqalı iske túsiremiz. Tómendegi kóriniste ayna shıǵadı.



2.Ispring Suite baǵdarlaması
Bundaǵı «Курсы» bóliminde «Новый курс» qa basqan waqtımızda biziń joqarıda aytıp ótkenimizdey Power Point programması ashıladı.
iSpring Quiz maker arqalı interaktiv test hám tapsırmalar tayarlaw
Al «Тестı» bólimin tańlaw arqalı tómendegi kóriniske iye bolamız.

Yaǵnıy «Новый тест» hám «Новая анкета» degen bólimlerdi kóremiz.
Onda 12 túrli test sorawların, 14 túrli anketalıq tapsırmalar dúziwge, sonday-aq ol testlerge, tapsırmalarǵa kerek bolaca, súwret, audio, videolar, formulalar qoyıwǵa boladı. Bunın barlıǵı iSpring QuizMaker kómegi menen orınlanadı.
Elektron sabaqlıqtıń áhmiyetli artıqmashılıǵı interaktiv testilew menen tapsırmalar sistemasına baylanıslı. Kórsetip otırǵan baǵdarlamada oqıw quralına test kiritiw ushın «Новый тест» belgisin basıp, baǵdarlamanıń tiyisli betin ashıw kerek.
Biz iSpring QuizMaker programmasın aynası menen tolıq tanısıp óteyik.

3-súwret. Ispring Quiz Maker baǵdarlaması menyusı
Tómende qaraqalpaq tilinen «Dawıslı hám dawıssız sesler» teması boyınsha tayarlanǵan elektronlıq tapsırmaların úlgi sıpatında usınıp otırmız.
«Тест» túymesi arqalı jaratılatuǵın tapsırmalar tómendegishe kóriniste boladı.



Bunda kórip turǵanımızday tayar resurstı HTML5-formatta; iSpring Mobile App-te júklew hám iPad-qa saqlaw; SCORM/AICC/TinCan formatında járiyalaw; aralıqtan oqıtıw sistemalarında BlackBoard, Moodlede járiyalawǵa, Microsoft Word-qa eksport qılıwǵa boladı.