Bilim sohasi

IJTIMOIY TARAQQIYOT – tashqi va ichki, boshqariladigan va boshqarilmaydigan omillar bilan kishiga ijobiy ta’sir etish, yani shaxsning shakllanish jarayoni. Shaxsning ijtimoiy taraqqiyotida maqsadga yo‘naltirilgan ta’lim-tarbiya yetakchi o‘rinni egallaydi.

Mustaqil O‘zbekiston Respublikasining milliy pedagogika fanida tarbiya inson muammolari, ajdodlarimiz g‘oyalariga suyanib, quyidagi qonunlarga asoslanishi zarur deb hisoblanadi:

– tarbiya inson faoliyati jarayonida tartibli ta’sir etuvchi mahsul bo‘lib, natijasini insonninig yashab turgan ijtimoiy sharoiti belgilaydi;

– inson kamolotini xarakterlovchi kuch o‘rtasidagi qarama-qarshiliklarni mavjudligi uning shaxsiy hayotida namoyon bo‘ladi;

– inson faoliyati jarayonida atrofdagi narsa va hodisalarga qiziqishini uyg‘otish va uni e'tiqodga aylantirish;

– tarbiya jarayoni yoshlarning kattalar bilan, kattalarning yoshlar bilan qonuniy munosabati natijasida amalga oshiriladi.

Ta’lim-tarbiya bir biriga uzviy bog‘langan jarayon bo‘lganligi sababli aqliy kamolotiga tartibli ta'sir ko‘rsatish orqali inson bilimli, barkamol bo‘lib voyaga yetadi. Ta’lim inson aqliy kamolotini yuzaga chiqaruvchi pedagogika – tarbiyashunoslikning bir qismidir. Pedagogikaning didaktika qismi uni atroflicha o‘rganadi.