Bilim sohasi: Ta`lim sohasi

To’g`ri tashxis qilishda suhbatning ahamiyati

To’g`ri o’tkazilgan suhbat bolaning rivojlanishi va uning shaxsini xususiyatlari haqida ba`zi tasavvurlarni beradi. Suhbatda bolaning ongida o’quv faoliyati qanday o’rin egallashini, o’qishdagi qiyinchiliklarni anglay olishi, o’z ishiga, xulqiga tanqidiy munosabatda bo’la olishi aniqlanadi.

Suhbat natijasida boladagi neyrodinamik xususiyatlar haqida ba`zi ma`lumotlarni olish mumkin. Bo’shanglik, tormozlanganlik yoki aksincha, qo’zg`aluvchanlik, diqqatning tarqoqligi, savol doirasida qola olmaslik bularning barchasi bolada qo’zg`alish va yoki tormozlanishning sekinlashgan va tezlashgan reaktsiyalarning ustunligini taxmin qilishga imkon beradi.
Suhbat bilish faoliyatining darajasi haqida ham ba`zi tasavvurlarni beradi. Suhbat jarayonida biz bu bosqichda bola uchun xos bo’lgan atrof olamni aks etish jarajasini aniqlaymiz. Suhbat bolaning atrofdagi predmetlar va xodisalar haqidagi tasavvurlarining to’g`riligini, sabab bog`lanishlarini o’rnatish va ahamiyatlini ahamiyatsizdan ajratishni bilishni aniqlashga imkon yaratatadi.
Suhbat jarayonida bilish faoliyatining qaysi tomonlarini sukurroq o’rganish lozimligini aniqlashadi. SHuning uchun suhbat bolaning psixik haytining alohda tomonlarini ancha chuqur va maxsus o’rganishdagi dastlabki qadamdir. Suhbatdan alohda faoliyat turlarini tekshirishga o’tish rejali va etarlicha asoslangan bo’lishi kerak.
Suhbatni tugatib, eksperimental-psixologik tekshirishga asta-sekin o’tish lozim. Bolaga «Endi mening ba`zi topshiriqlirimni bajarasan» yoki yanadla soddaroq tarzda: «Kara, menda qanday rasmlar bor (o’yin, shakllar)» deyiladi. Eksperimental-psixologik tekshirishni o’tkazishda bolaning ishga bo’lgan munosabati, qiziqishi borligi yoki yo’qligi, maqtov yoki tanbehga reaktsiyasi va hokazolarga e`tibor beriladi. Bu kuzatishlar bola faoliyatini tuzilishini tahlil qilish, patologik xususiyatlarni ochishga imkon yaratadi.