Bilim sohasi: 200 000-Ijtimoiy soha, iqtisod va huquq Ta’lim sohasi: 230000-Iqtisod

3.4. Respublika budjeti daromadlari g`azna ijrosini hujjatlashtirish 
3.5. Respublika budjeti daromadlari g`azna ijrosini hisobvaraqlar va 
hisob registrlarida aks ettirish 
3.6. Respublika budjeti daromadlari g`azna ijrosi hisobining 
hususiyatlari 
 
3.1. Respublika budjeti daromadlarini ijro etish tartibi 
O’zbekiston Respublikasining respublika budjeti daromadlari: 
1) umumdavlat soliqlari, shu jumladan: 
-
yuridik shaxslardan olinadigan foyda solig’i; 
-
yagona soliq to’lovi; 
-
jismoniy shaxslardan olinadigan daromad solig’i; 
-
qo’shilgan qiymat solig’i; 
-
aktsiz solig’i; 
-
er qa’ridan foydalanganlik uchun soliq; 
2) bojxona bojlari; 
3) qo’shimcha foyda solig’i; 
4) mahsulot taqsimotiga oid bitimlar bo’yicha foyda keltiradigan mahsulotdagi 
davlat ulushi; 
5) boshqa daromadlar hisobidan shakllantiriladi. Boshqa daromadlarga imzoli 
bonus va tijoratbop topilma bonusi to’lanishidan tushgan tushumlar, qonun 
hujjatlariga muvofiq O’zbekiston Respublikasining respublika budjetiga 
yo’naltiriladigan davlat bojlari, yig’imlar, tovon pullari, kompensatsiya to’lovlari va 
jarima sanktsiyalari, davlat aktivlarini joylashtirish, foydalanishga berish va sotishdan 
belgilangan normativlar bo’yicha olingan daromadlar, meros, hadya huquqi bo’yicha 
davlat mulkiga o’tkazilgan pul mablag’lari, yuridik va jismoniy shaxslardan, 
shuningdek chet davlatlardan tushgan qaytarilmaydigan pul tushumlari, rezident-
yuridik shaxslarga berilgan budjet ssudalarini, chet davlatlarga berilgan kreditlarni 
to’lash hisobidan to’lovlar, aktsiyalarning davlat ulushi (payi) bo’yicha dividendlar 
(daromadlar), mobil aloqa xizmatlari ko’rsatuvchi yuridik shaxslar (uyali aloqa 
kompaniyalari) tomonidan abonent raqamidan foydalanganlik uchun to’lov, 
O’zbekiston Respublikasi Markaziy bankining foydasi va qonun hujjatlariga muvofiq 
boshqa daromadlar kiradi. 

---

30 
 
Respublika budjetining loyihasi ijtimoiy-iqtisodiy rivojlantirishning ustuvor 
yo’nalishlari va moliya yili uchun mo’ljallangan makroiqtisodiy ko’rsatkichlar 
prognozi asosida tuziladi. 
O’zbekiston Respublikasi Vazirlar Mahkamasi O’zbekiston Respublikasi Oliy 
Majlisi palatalariga bir moliya yilidan ortiq muddatga tuzilgan respublika budjetini 
qabul qilish to’g’risida taklif kiritishga haqli. 
Respublika budjetining loyihasini tuzish: 
-
budjet so’rovini tuzish tartibini yuborishni; 
-
budjet so’rovlarini hamda asosiy makroiqtisodiy ko’rsatkichlar prognozlarini 
tayyorlash va taqdim etishni; 
-
budjet so’rovlarini ko’rib chiqish va jamlashni; 
-
budjetnomani ishlab chiqishni nazarda tutadi. 
Respublika budjeti loyihasini tuzish uchun mas’ul organlar quyidagilardir: 
-
O’zbekiston Respublikasi Moliya vazirligi; 
-
vazirliklar, davlat qo’mitalari va idoralar, mahalliy davlat hokimiyati organlari, 
budjetlar loyihalarini tuzish, O’zbekiston Respublikasi Moliya vazirligi tomonidan 
so’ralgan axborot va ma’lumotlarni taqdim etishga taalluqli qismi bo’yicha. 
Davlat budjetining loyihasini ishlab chiqish O’zbekiston Respublikasi Moliya 
vazirligi tomonidan:
-
makroiqtisodiy ko’rsatkichlar prognozi; 
-
daromadlarning tashkil topish manbalari bo’yicha Davlat budjeti daromadlari 
prognozi;
-
budjet mablag’larini taqsimlovchilarning budjet so’rovlari va O’zbekiston 
Respublikasining respublika budjeti hisobidan ayrim tadbirlar uchun xarajatlar 
hajmining prognozi;
-
Qoraqalpog’iston Respublikasi budjeti, viloyatlar va Toshkent shahrining 
mahalliy budjetlari loyihalari asosida ishlab chiqiladi.
Davlat budjetining loyihasida xarajatlar daromadlarning prognoz qilinayotgan 
hajmidan kelib chiqib Davlat budjeti taqchilligining cheklangan miqdori hisobga 
olingan, uni qoplash manbalari belgilangan holda nazarda tutiladi. 
Davlat budjetining loyihasi: 
-
Budjet kodeksining 50 va 69-moddalariga muvofiq Davlat budjetining 
daromadlar manbalari bo’yicha daromadlari va yo’nalishlar bo’yicha xarajatlari 
prognozidan; 
-
Davlat budjeti taqchilligining eng yuqori miqdori va uni qoplash manbalaridan 
tarkib topadi.
-
Davlat maqsadli jamg’armalarini taqsimlovchi organlar tomonidan ishlab 
chiqilgan davlat maqsadli jamg’armalari budjetlarining loyihalari tushumlar 
manbalari bo’yicha daromadlar va yo’nalishlar bo’yicha xarajatlar prognozidan tarkib 
topadi.
Respublika budjetining ijrosi budjet to’g’risidagi qonun hujjatlarida belgilangan 
daromadlarining tushishini ta’minlash va xarajatlarini amalga oshirishni, shuningdek 
ularning ijrosi bilan bog’liq operatsiyalarni hisobga olishni nazarda tutadi. 

---

31 
 
O’zbekiston Respublikasi respublika budjetining ijrosi O’zbekiston Respublikasi 
Vazirlar Mahkamasi tomonidan ta’minlanadi. 
Respublika budjetining ijrosi O’zbekiston Respublikasi Moliya vazirligi 
tomonidan g’azna ijrosi yo’li bilan amalga oshiriladi. G’azna ijrosi faoliyatni chet 
elda amalga oshirayotgan budjet tashkilotlariga va budjet mablag’lari oluvchilarga 
tatbiq etilmaydi. 
Respublika budjetining ijrosi moliya yili mobaynida va qo’shimcha vaqt davrida 
amalga oshiriladi. 
Keyingi yilning yanvar oyi moliya yiliga qo’shimcha vaqt davri bo’lib, bu davr 
mobaynida o’tgan yil uchun respublika budjetining ijrosi amalga oshiriladi. Moliya 
vazirligi Respublika budjetining qo’shimcha vaqt davridagi ijrosi bo’yicha 
operatsiyalarni o’tkazish tartibini va oxirgi muddatlarini belgilaydi. 
Respublika budjeti daromadlarining yoyilmasi: 
budjet tasnifiga muvofiq tuzilgan daromadlar prognozi ularning tasdiqlangan 
parametrlariga muvofiqligini; 
daromadlar ijrosining monitoringini ta’minlash maqsadida tuziladi. 
Daromadlar yoyilmasining tegishli budjet daromadlarining budjet tasnifiga 
muvofiq oyma-oy bo’lingan yillik hajmlaridan tashkil topadi. 
Daromadlar yoyilmasi O’zbekiston Respublikasi Moliya vazirligi tomonidan 
tuziladi.