Bilim sohasi: 100000 Gumanitar Ta'lim sohasi: 110000 Pedagogika Ta'lim yo’nalishi: 5111800–Maktabgacha ta’lim Andijon – 2019

Fanning o`quv rejasidagi boshqa fanlar bilan o`zaro bog`liqligi va
uslubiy jihatidan uzviyligi

«Maktabgacha ta’limda elementar matematik tasavvurlarni shakllantirish metodikasi» fani umumkasbiy fanlar qatoriga kirib, 4 semestrda o‘qitiladi. Dasturni amalga oshirish o‘quv rejasida rejalashtirilgan umumkasbiy (maktabgacha pedagogika, nutq o‘stirish metodikasi, bolalarni tabiat bilan tanishtirish metodikasi, estetik tarbiya) va ixtisoslik (bolalarni maktabga tayyorlash metodikasi) fanlaridan yetarli bilim va ko‘nikmalarga ega bo‘lishlikni talab etiladi. Predmetlararo bog’lanish to`g’ri amalga oshirishi uchun buni o`quv rejasi tuzilishida hisobga olish muhimdir.

Fanning ta`limdagi o`rni
Maktabgacha ta’lim muassasalarida ta’lim-tarbiyani pedagog-tarbiyachi amalga oshiradi. U pedagogik jarayonda markaziy o‘rinni egallaydi. Shuning uchun tarbiyachi o‘z sohasini chuqur bilishi, xar xil metodik vositalarni yaxshi egallagan, puxta pedagogik -psixologik tayyorgarlikka ega bo‘lishi muhimdir. Maktabgacha yoshdagi bolalarda matematik tassavvurlarni shakllantirish jarayonida ularga oddiy matematik tushunchalarni o‘rgatibgina qolmay, ayni vaqtda bolalarning mantiqiy tafakkurini o‘stirish, mustaqillik faoliyatini shakllantirish, maqsadga intilish, topshirilgan vazifani mas’uliyat bilan bajarish, o‘z oldiga qo‘ygan maqsadga erishish, qat’iyatlilik, muomala madaniyatini shakllantirish ham muhimdir.


Fanni o`qitishda zamonaviy axborot va pedagogik texnologiyalar

«Maktabgacha ta’limda elementar matematik tasavvurlarni shakllantirish metodikasi» fanini o`zlashtirishlari uchun o`qitishning ilg’or va zamonaviy usullaridan foydalanish, bunda axborot va pedagogik texnologiya yutuqlari va imkoniyatlaridan foydalanish ko`zda tutiladi. Ma'ruza va amaliy mashg`ulotlar turli texnik vositalar bilan jihozlanishi kerak. Fanni o`qitishda darslik, o`quv va uslubiy qo`llanmalar, ma’ruza matnlari, tarqatma materiallar, internet saytlari ma’lumotlaridan foydalaniladi.