Bilim ministrligi

ÓZBEKSTAN RESPUBLIKASI JOQARI HÁM ORTA ARNAWLI
BILIM MINISTRLIGI
BERDAQ ATINDAG’I QARAQALPAQ MÁMLEKETLIK UNIVERSITETI

Dizimge alındı; №________________ 2020 j «___»_______

«Tastıyıqlandı» Prorektor O.Duysenbaev «__»_________ 2020 j.

«ÓZBEKSTAN HÁM QARAQALPAQSTAN TARIYXI»

KAFEDRASI
ÓZBEKSTANNÍŃ EŃ JAŃA TARIYXI

Tálim baǵdarı: Bárshe qánigelik emes baǵdarları ushın
OQIW METODIKALIQ KOMPLEKS

Nókis-2020

Oqıw-metodikalıq kompleks Ózbekstan Respublikası Joqarı hám orta arnawlı bilimlendiriw ministrliginiń 2020 jıl « » daǵı - sanlı buyrıǵı menen tastıyıqlanǵan «Ózbekstannıń eń jańa tariyxı» pán dástúri tiykarında tayarlanǵan.

Pánniń is rejesi Qaraqalpaq Mámleketlik Universitetiniń «Tariyx» fakultetiniń oqiw ilimiy keńesinde kórib shıg’ıldı hám qollanıwg’a usınıldı «_____» __________2020 jıl _____sanlı qararı.

Dúziwshiler: doc. S.Saymanov,ass. S.Allamuratova

Retsenzentler: T.i.k. doc M.Torebekov, T.i.k.doc.J.Aytmuratov

QMU Tarix fakulteti

dekanı:

2020 jıl ‘’______’’ ________________________ S.Sulaymanov

“Ózbekstan hám Qaraqalpaqstan

tariyxı” kafedrası baslig’ı:

2020 jıl ‘’______’’ ________________________ S. Saymanov
MAZMUNÍ

1.	Titul beti
2.	Mazmunı
3.	Oqıw materialları, lekciya tekstleri
4.	Seminar materialları
5.	Glossariy
6.	Pán dástúri, is bag’darlama, tarqatpa hám prezentaciya materialları
7.	Bahalaw kriteriyası

1-Tema. Kirisiw. «Ózbekstannıń eń jańa tariyxı» oqıw pániniń predmeti, máqseti hám wazıypaları, teoriyalıq-metodologiyalıq principleri.
Jobası:

1.«Ózbekstannıń eń jańa tariyxı» oqıw pániniń predmeti, máqset hám wazıypaları.

2.Pándi úyreniwdiń teoriyalıq-metodikalıq tiykarları.

3.Kámil áwladtı tárbiyalawda eń jańa tariyxtıń tutqan ornı.

Ádebiyatlar:

1.Левитин Л. Ўзбекистон туб бурилиш палласида. - Тошкент: Ўзбекистон, 2005.

2.Мустақил Ўзбекистон тарихи. Масъул муҳаррир А.Сабиров. - Тошкент: Академия, 2013.

3.Новейшая история Узбекистана. Руководителъ проекта и редактор: М.А.Рахимов. - Тошкент: Адабиёт учқунлари, 2018.

4.Эркаев А. Ўзбекистон йўли. - Тошкент: Маънавият, 2011.

Ǵárezsizlik jıllarında Ózbekstan Respublikasında mámleket basqarıw sisteması, sociallıq-ekonomikalıq, siyasiy hám ruwxıy tarawlarda úlken ózgerisler ámelge asırıldı. Sonday-aq bilimlendiriw tarawında da bir qatar reformalar ótkizilip, kámil áwladtı qáliplestiriwge baǵdarlanǵan reformalar alıp barılmaqta. Búgin dúnyada júz berip atırǵan waqıya hám hádiyseler, ideologiyalıq qarama-qarsılıqlardıń mazmun-mánisin analiz etiw, hár qıylı jat ideyalardan jaslardı qorǵaw, ushın tariyxıy oylawdı qáliplestiriw úlken áhmiyetke iye bolmaqta. Usı jerde sonnı aytıp ótiw zárúr, joqarı oqıw orınlarında Ózbekstannıń eń jańa tariyxı dáwirin tereń úyreniw jas qánigelerdiń búgingi dáwir siyasatın, jer júzilik sherikliktegi ornın, dáwir qaharmanların, ásirese óziniń de bul process qatnasıwshısı ekenligin durıs hám tolıq ańlawı ;ámiyettiń rawajlanıwında úlken áhmiyetke iye.

Ózbekstannıń eń jańa tariyxı haqqında sóz ketkende, dáslep 1991 jıldan berli mámleketimiz basıp ótken tariyxıy joldıń mánisi hám áhmiyetin túsiniw zárúr. Bul process qalay ótkenin, mámleketimiz ǵárezsizlikke eriskenge shekem hám ǵárezsizliktiń dáslepki jıllarında qanday mashqalalarǵa duwshaker bolǵanın túsiniwdiń áhmiyeti úlken.

Ózbekstannıń eń jańa tariyxı, yaǵnıy Ózbekstannıń mámleket ǵárezsizligine erisiwi qarsańında júzege kelgen quramalı jaǵday, respublika ǵárezsizliginiń járiyalanıwı, ǵárezsizlik jıllarında mámlekette ámelge asırılıp atırǵan sociallıq-siyasiy, ekonomikalıq, ruwxıy tarawlardaǵı reformalar hám olardıń baskıshların, Ózbekstannıń jer júzilik sheriklikke integraciyasın, xalıqarlıq múnásibetler, qáwipsizlik, milletler arasındaǵı tatıwlıq hám diniy keń peyillikti támiyinlew, tınıshlıq súyiwshi sırtqı siyasat sıyaqlı máselelerdiń ilimiy hám ámeliy áhmiyeti ashıp beriledi.

Tariyx páni basqa jámiyetlik pánlerden ózgeshelikke iye hám baylanıslı bolıp tabıladı. Hár bir pánniń óz predmeti wazıypası hám baǵdarı boladı. Filosofiya filosofiyalıq kóz qaraslardı psixologiya insannıń awhalın, ligvistika til máselelerin hám óz mashqalaları menen shuǵıllanadı, olardıń bir birinen ózgesheligi bar.

Jámiyettiń kóp ásirlik rawajlanıwı processinde qáliplesip, bárqulla rawajlanıp kiyatırgan hár bir pánniń ózine tán predmeti bar. Ózbekstannıń eń jańa tariyxı kursı bunnan tısqarıda emes. Bul kurstıń predmetin Ózbekstanda mámleket ǵárezsizliginiń qolǵa kirgiziliwi, demorkatiyalıq, puxaralıq jámiyet tiykarların qáliplestriw, bazar múnásibetlerine tiykarlanǵan kóp ukladlı ekonomikanı júzege keltiriw, jámiyetimizdi ruhıy jaqtan qayta tiklew hám jetilistiriw, Ózbekstannıń teń huqıqlı birge islesiwge tiykarlanǵan sırtkı siyasatı tkoriyası hám ámeliyatı kuraydı.

Ózbekstannıń ǵárezsiz rawajlanıw jolınıń tiykarın, mazmunın hám áhmiyetin bahalay otırıp elimizdiń eń jańa tariyxın tómendegi basqıshlarǵa bóliwge boladı.