Bevosita potensiometriya

Bevosita potensiometriya oksidlanish-qaytarilish potensialini, vodorod va boshqa ionlar aktivligini (ionometriya), turli xil fizik-kimyoviy konstantalarni aniqlash uchun ishlatiladi. Bevosita potensiometriyada o‘lchanadigan potensial taqqoslash (E_t) va indikator (E_i) elektrodlari hamda “suyuq birikma” (E_s) potensiallaridan tashkil topadi: E=E_t-E_i-E_s
E_s potensial ikki xil konsentratsiyali suyuqliklar chegarasida har xil zaryadli ionlarning (kation va anion) turli tezliklarda tarqalishi tufayli yuzaga keladi. Indikator elektrodining potensiali tekshiriladigan Meⁿ⁺ ionning potensiali orqali Nernst tenglamasi yordamida ifodalanadi. Bu ikki tenglamani birgalikda yechsak: hosil bo‘ladi. Ayrim elektrodlar uchun const indikator elektrodining standart potensialiga teng, membranali elektrodlar uchun bu qiymat asimmetriya potensiali bilan belgilanadi. Membranani yasashda ichki va tashqi sirtlarning farqli bo‘lishi va elektrod sirtining mexanik va kimyoviy ta’sirlar natijasida o‘zgarishi tufayli asimmetrik potensial yuzaga keladi.
Asimmetrik potensialning ta’sirini yo‘qotish uchun elektrodni doimiy ravishda bufer eritma yordamida darajalab turish zarur.