Бетон қоришмалари учун бадьялар

Автобетонқоргич.

1 – кабина; 2 – сув учун бак; 3 – барабан аралаштиргич; 4 – юклаш – тўкиш қурилмаси; 5 – рама; 6 – назорат-ўлчов асбоблари панели; 7 – барабан аралаштиргични бошқариш қурилмаси;

Бугунги кунда, қурилиш машиналари бўйича жахоннинг етакчи фирмаларидан бири бўлган «Либхерр» автобетонқоргичлари 12 м³ гача бетон қоришмасини ташиш имкониятига эга бўлиб, улар ихчамлиги, юқори тезликда харакатланиши, турли хил йўл шароитларига мослашиш каби кўрсаткичлари бўйича юқори бахоланади.

Автобетонқоргичлардан фойдаланилганда бетон қоришмасини етказишнинг икки хил усули мавжуд. Биринчи усулда–автобетонқоргичга махсус заводда керакли микдорда қадоқланган йирик, майда тўлдирувчилар ва цемент юкланади. Сув ва бошқа суюк қўшимчалар аралаштирилмайди. Бундай холатда аралашмани исталган узоқ масофага ташиш мумкин ва белгиланган жойга етиб келгандан сўнг, машинада урнатилган махсус идишдаги (бак) сув ёрдамида аралашма қорилиб, ётқизилиш жойиға узатилади. Иккинчи усулда–автобетонқоргичга тайёр бетон қоришмаси юкланади ва белгиланган объектга олиб борилади. Ташиш масофаси узоқлигига, қоришма консистенциясига, қовушқоқлигига боғлиқ холда, харакатланиш жараёнида даврий равишда ёки объектга етиб келингандан сўнг бетон қоришмаси маълум вақт аралаштирилиб иншоотга узатилади.
Шуни қайд қилиш керакки, автобетонқоргичларнинг асосий камчиликларидан бири–бу уларни қўллашда мехнат сарфлари нисбатан юқори бўлишига карамасдан, ишлаб чиқариш унумдорликлари бошқа турдаги автомобил транспортларига қараганда анча паст бўлади.
Бадьяларга юкланган бетон қоришмасини вертикал ва горизонтал масофалар бўйича иншоот қисмларига етказишда турли хил типдаги кўтарма кранлар қўлланилади.
Кичик хажмда бетон ишларини бажаришда ва иш фронти катта бўлмаган шароитларда (бетон узатиш баландлиги ва масофаси катта бўлмаган) автомобил кранлар энг қулай воситалар хисобланади. Шунингдек, худди шундай шароитларда харакатланиш органи занжирли бўлган экскаватор–кранлар хам қўлланилиши мумкин. Уларнинг автомобил–кранларга нисбатан устунлиги юк кўтариш қобилиятининг юқорилигидадир.
Умуман олганда, кранларни танлашда кўтариладиган юкнинг оғирлиги, уни узатиш вертикал ва горизонтал масофалари асосий омиллар хисобланади. (15-расм). Агар иш фронти маълум бўлса, унга техник кўрсаткичлари мос келадиган кранлар танлаш тавсия этилади.

15.