Беш ташаббус

БЕШ ТАШАББУС
Ўзбекистонимга бугун тонг саҳар, Янги қуёш балқди яна бир нафар. Ватанимиз гуллаб яшнасин дея, Бешта ташаббус деб, келди зўр хабар.
Янги ташаббусдан илҳом олиб мен, Янги орзуларда жўш урди қалбим. Янги қирраларда ҳизмат килишни, Дастури амал деб дилга солдим мен.
Болажон мактабда ўқийди шодон, Янги Навоийлар мендан дарс олар. Ана қаранг, менинг сабоқларимга, Амир Темурлар ҳам ташриф буюрар.
Энг соғлом болалар бизнинг бахтимиз, Энг доно болалар бизнинг тахтимиз. Она - Ўзбекистон орзу умиди, Шу ўғил қизлардир бизнинг эртамиз,
Ўқитмоқ қандай бахт яна янгитдан, Афсонавий Руфат Рисқиевларни. Бугун насиб қилар, бошин силарман, Кичкина Солижон Шариповларни.
Колумбда қолмайди энди аламим, Американи янги кашф этаман мен. Янги Берунийни ўқита олган, Энг бахтли устозман бу дунёда мен.
Мендан ўрганади бугун санъатни, Шукур Бурҳонлар-у, Наби Раҳимлар. Мана, дарсларимда қўшиқ ёзишар, Янги Комилжон-у, Отаниёзлар.
Янги дарсларимда қунт билан ўқир, Мирзо Улуғбек-у, Мирзо Бобурлар. Компьютерларда кашталар тикар, Зебунисо ҳам, Нодирабегимлар.
Барча китобларни ўқиб чиқишар, Сўнгра, шогирдларим китоб ёзишар. Орол денгизини қайта тўлдириб, Дунё тинчлигига ҳисса қўшишар.
Энг бахтли оила қуради улар, Зомин тоғларидай баланд иқболи. Бешта ташаббуснинг гулидир улар, Бахмал боғларининг лоласи улар.
Мозийларга қараб иш тутмоқликни, Аста кўриб чиқдим зарварақларда. Буюк аждодларим берган меросни, Етказаман севикли ўғил қизларга.
Ватанни севмоқлик иймондандир деб, Сарвари коинот айтиб кетганлар. Қуръони карим-у, ҳадис илмидан, Хабардор бўлади ёш Бухорийлар.
Ватан - бу ягона, Ватан - муқаддас, Уни юксалтирмоқ энг катта фарзим. Бешта ташаббусла яна кўркамдир, Бу гўзал Ватаним, Ўзбекистоним!
Фарҳод Маматов. Андижон вилояти Избоскан тумани 20 - умумталим мактаби Рус тили ва адабиёти фани ўқитувчиси.