Berdaq nomidagi

Ogohlantiruvchi tadbirlar. Oila a’zolaringizga sunami xavfi yuzaga kelganligi to‘g‘risidagi xabar berish signalini tushuntirib bering va yodda saqlab qoling. Sunami vaqtida qilinajak harakatlar rejasini tuzib oling. Oila a’zolaringizning barchasi, hamkasblaringiz va tanishlaringiz sunami vaqtida nima qilish kerakligini bilishlariga erishing. Xavfli joylar chegarasini va xavfsiz joyga olib chiquvchi eng qisqa yo‘llarni bilib oling. Evakuatsiya vaqtida o‘zingiz bilan oladigan hujjatlar, buyumlar va doridarmonlar ro‘yxatini tuzing. Buyumlar va dori – darmonlarni maxsus jomadon yoki ryukzakka joylang. Evakuatsiya tartibini avvaldan o‘ylab qo‘ying. Sunami to‘g‘risida signal kelib tushadigan bo‘lsa, oila a’zolaringizning uchrashadigan joylarini kelishib oling. Uyda va ishxonada yo‘laklarni, chiqish joylarini og‘ir buyumlar, shkaf, velosiped, bolalar aravachasi va h.k. bilan to‘sib qo‘ymang. Zudlik bilan evakuatsiya o‘tkazish uchun barcha o‘tish yo‘llari bo‘sh bo‘lishini nazorat qilib turing. Sunami xavfi tug‘ilganida o‘zini tutish qoidalarini o‘rganib oling.
Sunami vaqtida bino ichida, ochiq joyda yoki suvda bo‘lishga to‘g‘ri kelib qolsa, harakatlaringiz ketma – ketligini belgilab ko‘ying. Avvaldan shoshilinch evakuatsiya o‘tkazilishi ehtimolligini hisobga olgan holda kerakli hujjatlar kiyim – kechak, shaxsiy buyumlar, uch kecha – kunduzga etarli oziq – ovqat zaxirasini tayyor holda saqlang.
Sohillarda o‘rmon – muhofaza yo‘laklarini tashkil qilishda faol ishtirok eting. Mahalliy hukumat organlarining buxtalarni to‘lqin kesuvchilar va dambalar bilan mustahkamlash ishlarini qo‘llab – quvvatlang.