Berdaq nomidagi

Kimyoviy va radiatsiyaviy xavfli korxonalardagi halokatlar.
Kimyoviy avariya – bu ishlab chiqarishdagi texnologik jarayonlarning buzilishi, quvur o‘tkazgichlar, sig‘imlar, qo‘riqlanadigan omborxonalar transport vositalarining shikastlanishi natijasida odamlarning sog‘lig‘i va hayoti uchun, biosfera faoliyati uchun zararli bo‘lgan kimyoviy xavfli moddalarning chiqib ketishidir.
Avariya tug‘diruvchi kimyoviy xavfli moddalar (AKXM) – asosan xlor, ammiak, fosgen, sinil kislotasi, qorg‘oshinli angidrid va boshqalarning yirik zaxiralari kimyo, sellyuloza-qog‘oz va qayta ishlash kombinatlari mineral o‘g‘itlar, qora va rangli metallurgiya zavodlari, shuningdek, muzlatuvchi kombinatlar, pivo zavdlari, qandolatchilik fabrikalari, sabzavot bazalari va suv stansiyalarida mavjud.
Kimyoviy avariyaning insonlar va hayvonlar uchun organizm me’yoriy hayot faoliyatining buzilishi va kelgusida genetik oqibatlar keltirib chiqarishi mumkinligi bilan belgilanadi. Ma’lum sharoitlarda esa organizmga kimyoviy moddalarning nafas yo‘llari, teri, shillik pardalar, yaralar orqali va oziq-ovqat bilan birga tushishi hatto o‘limgacha olib kelishi mumkin. Ogahlantirish tadbirlari. YAshash joyingiz yoki ishxonangiz yaqinida kimyoviy xavfli ob’ekt bor-yo‘qligini aniqlang. Agar bo‘lsa, mazkur ob’ektdagi AKXMning potensial xavfi va alohida belgilari, xususiyatlari bilan tanishib chiqing. Aholini avariyadan ogohlantiruvchi «Diqqat, barchaga!» signalining xarakatli xususiyatlarini (sirena ovozi va korxonalarning qisqa guduklari), xabar berilganda harakat qilish tartiblari, xonalarni germetik yopish, suv va oziq-ovqat muhofaza qoidalarini eslab qoling. O‘zingiz va oilangiz uchun paxta-dokali bog‘lamalarni tayyorlab, ma’lum joyda saqlang. SHuningdek, kimyoviy xavfli xududlardagi avariyalar vaqtida aholining xarakati bo‘yicha eslatmani ham saqlab qo‘ying. Imkoni bo‘lganda AKXM ning tegishli turlaridan muhofaza qiladigan gazniqoblar olib qo‘ying.