Berdaq atinda

Sheriklik dáreje. Eń keminde eki yamasa bir neshe islewshiniń qatnası menen birgelesip, sheriklesip islengen háreketti bildiredi. Sheriklik dáreje forması túbir hám dórendi túbir feyillerge -ıs//-is, -s qosımtalarınıń jalǵanıwı arqalı jasaladı: qaǵıs, qazıs, oylas, kóteris, toparlas, sálemles hám t.b. Mısalı: Palwanlar gúresti. Adamlar oylastı.
Ózgelik dáreje. İs-hárekettiń grammatikalıq subekt arqalı emes, basqa bir ózge subekt arqalı islengenligin bildiredı aldırdı, kiyindirdi, oqıttı, sóyletti, órgizdi, tergizdi, qutqardı hám t.b. Ózgelik dáreje formasınıń jasalıwına tómendegi qosımtalar qatnasadı:
-dır//-dir, -tır//-tir. Kón-dir, kiyin-dir, són-dir hám t.b.
-ıt//-it, -t. :rk-it, qorq-ıt, súyre-t, oqı-t hám t.b.
-qız//-kiz, -qız//-giz. Al-ǵız, je-giz hám t.b.
Belgisiz dáreje. Belgisiz dáreje feyilleri is-hárekettiń belgisiz islewshi tárepinen islengenin bildiredi. Bul dáreje -ıl//il, -l affiksi arqalı jasaladı: otın shabıldı. Salı orıldı.
Feyildiń meyil kategoriyası. İs-hárekettiń obektivlik haqıyqatlıqqa bolǵan mánilik qatnasların bildiredi. Sóylewshiniń haqıyqatlıqqa bolǵan qatnası is-háreket arqalı bildirilip, sol is-háreket buyrıq, tilek, shárt hám anıq xabarlaw mánilerinde keledi. Házirgi qaraqalpaq tilinde feyildiń meyilleri t túrge búlinedi.
Buyrıq meyil. Sóylewshi tárepinen basqa birewge qaratılǵan buyırıw, hámir etiw, talap etiw, shaqırıq hám t.b. mánilerdegi is-háreketti bildiredi. Sóylewshiniń buyrıǵı tıńlawshıǵa, tıńlawshı arqalı basqa birewge ótedi. Haqıyqıy buyrıq meyil formaları I: hám II: bet arqalı bildiriledı oqı, jaz, jazdır, úyret, oqıń, oqısın hám t.b. Buyrıq meyildiń betleniwi tómendegishe:

Birlik	Kóplik
I bet oqı, isle	I bet oqıyıq, isleyik
II bet oqıń, isleń	II bet oqıń, isleń, oqıńız, isleńiz, oqıńlar, isleńler, oqıńızlar, isleńizler
III bet oqısın, islesin	III bet oqısın, islesin

Házirgi qaraqalpaq tilinde feyildiń buyrıq meyiliniń morfologiyalıq formaları tómendegishe: