Berdaq atinda

Qadaǵalaw ushın sorawlar

1. 
   Ekspressivlik-stillik jaqtan qaraqalpaq tili leksikası qanday stillerge bólinedi
   
2. 
   Uluwma qollanıwshı leksika degenimiz ne
   
3. 
   Sóylew tili leksikasınıń tiykarın qanday sózler quraydı
   
4. 
   Turmıstıń barlıq táreplerin qamtıy alatuǵın stilge qaysı stil jatadı
   

Ádebiyatlar

1. 
   Степанов Ю. Основы языкознания. Москва, 1956.
   
2. 
   Бердимуратов Е. Ҳәзирги қарақалпақ тили. Лексикология. Нөкис, 1994
   
3. 
   Da’wletov A. Til bilimi tiykarlari’. No’kis, 2013.
   

14-tema. Jazba stil hám onıń túrleri


Joba:

1. 
   Jazba stildiń túrleri.
   
2. 
   Kórkem ádebiyat stili
   
3. 
   Ilimiy stil.
   
4. 
   Publicistikalıq stil
   

Tayanısh sózler: til stilleri, jazba stillik leksika, ilimiy-stil leksikası, óndirislik-texnikalıq leksika, kórkem-ádebiyat leksikası.

Jazba stil jazıwdıń, jazıw mádeniyatınıń payda bolıwı hám rawajlanıwı tiykarında dóreydi, qáliplesedi hám jetilisip baradı. Obektiv talaplarǵa sáykes jazıwdıń ulıwma xalıqlıq sıpat alıwı onıń jámiyetlik xızmetin taǵı da keńeytip otıradı.

Qaraqalpaq xalqı sońǵı jıllar ishinde óz ana tilindegi milliy jazıwına, qáliplesken jazba ádebiy tiline iye boldı. Ádebiy tildiń kem-kem rawajlanıwınıń barısında jazba til uslubları da qáliplesip, keńeyip hám jetilisip kelmekte. Usıǵan sáykes qaraqalpaq tiliniń sózlik quramında sol uslublarǵa baylanıslı jeke leksikalıq-stillik qatlamlar dóredi.
Hár qanday jazba stil óziniń rawajlanıw dáwirinde usı tarawda jiyi qollanılatuǵın leksikalıq birliklerdi payda etetuǵınlıǵı belgili. Biraq bunday leksikalıq birlikler sol stildiń payda bolıwı menen birden qáliplesip kete bermeydi. Olar xalıq tolǵawınan ótip ısıladı, jedellesedi. Nátiyjede turaqlı túrdegi uslublıq jaqtan sheklengen arnawlı sóz qatlamları payda boladı.
Qaraqalpaq ádebiy tiliniń stillik tarmaqshaları óziniń tariyxıy rawajlanıwınıń barısında mine sol jaǵdaylardı basınan keshirdi.
Házirgi qaraqalpaq tili leksikasında ózgeshe belgileri menen bir-birinen ajıratılatuǵın bir neshe stillik qatlamlardı kóriwge boladı. Olar publicistikalıq, ilimiy-terminologiyalıq, kórkem-ádebiy hám rásmiy is qaǵazları stillerine baylanıslı leksikalıq qatlamlardan ibarat.