Берда? Номидаги ?Ора?Алпо? Давлат университети

Тадқиқотнинг диссертация бажарилган олий таълим ёки илмий тадқиқот муассасасининг илмий-тадқиқот ишлари режалари билан боғлиқлиги. Диссертация Урганч давлат университети ҳамда Хоразм Маъмун академияси илмий-тадқиқот ишлари режасига мувофиқ “Ўзбекистонда мустақиллик даври тарихи” мавзусидаги фундаментал илмий лойиҳа доирасида бажарилган.
Тадқиқотнинг мақсади. Истиқлол йилларида Ўзбекистонда фуқаролик жамияти институтларининг шаклланиши ва ривожланиши жараёнларининг ижтимоий-сиёсий аҳамиятини тизимли равишда ва тарихийлик тамойиллари асосида очиб беришдан иборат.
Тадқиқотнинг вазифалари:
буюк аждодларимизнинг одил ва демократик жамиятни барпо этиш ҳақидаги орзулари, уни бошқаришда барчанинг тенг ҳуқуқи ва демократия асосида иштирокини таъминлаш тўғрисдаги назарий-концептуал ғоялари моҳиятини очиб бериш;
цивилизация тарихи таҳлили негизида фуқоролик жамиятини шакллантириш йўлидаги ҳаракатлар ва мустақиллик шароитида Ўзбекистонда янги жамиятни барпо этиш йўлидаги миллий тажрибани тавсифлаб бериш;
истиқлол шароитида жамиятни демократлаштириш йўлидаги илк ўзгаришларни таҳлил этиш;
фуқароларнинг ўзини ўзи бошқариш тизимининг ҳуқуқий асосларини яратиш ва уларни шакллантиришга доир ислоҳотлар жараёнларини кўрсатиш;
Ўзбекистонда фуқаролик жамияти институтларининг ҳуқуқий, сиёсий ва ижтимоий-иқтисодий асосларининг яратилишини баҳолаш:
мамлакатда сиёсий партияларнинг шаклланиши, ривожланиши ва уларни демократлаштириш ислоҳотлари жараёнини таҳлил этиш;
мавжуд сиёсий партияларнинг ўзаро муҳолифийлиги тамойиллари ва уларнинг амалий натижаларини акс этириш;
фуқаролик жамияти институти сифатида нодавлат ва нотижорат ташкилотларнинг ўрнини очиб бериш ва ривожланиши босқичларини ўрганиш;
мамлакатимизда фуқаролик жамияти қуриш жараёнинида дуч келинган муаммолар, уларнинг ечимини топиш йўлида тўпланган тажриба ва сабоқлар асосида тавсиялар ва таклифлар ишлаб чиқиш.
Тадқиқотнинг объекти сифатида мамлакатимизда ўрнатилган фуқаролик жамияти институтларининг тарихи, уларниг халқ манфаатларини ифода этиш ва ҳимоялашга доир фаолиятларини миллий ўзлик, хорижий тажрибалар ва замонавий ғоялар асосида ривожланиб бориш жараёни ташкил қилади.