Бердақ номидаги Қорақалпоқ давлат университети Чет тиллари факультети Хорижий тил ва адабиёти (инглиз тили) йўналиши

Мутолаа ва ижро (Мутолаа рекламаси)
Кенг оммага эга бўлган муҳитлар, масалан, телевидение, радио, айниқса ижтимоий тармоқлар йигирма тўрт соат давомида одам кўз ўнгида. Шундай экан, улардан мақсадли равшда фойдаланадиганлар ҳам ва аксинча фойдаланувчилар ҳам бор. Ижтимоий сўровнома мобайнида китоб ўқишни кенг тарғиб қилишнинг самарали усули сифатида реклама қилиш ғояси ҳам талабалар томонидан олға сурилди. Реклама бўлганда, қанақа реклама, китобнинг қалин ва чиройли муқоваси, яъни дизайни ва унга қўйилган нархи эмас, китобнинг ички кўриниши, мазмуни, инсон ҳаётига ижобий таъсир этадиган ғояси, шунингдек, унга бўлган мотивацияни ўз ичига олувчи реклама мутолаа тарғиботининг ҳақиқий кўриниши саналади.
Масалан, телевизион рекламани оладиган бўлсак, оддий бир фильмни реклама қилишда унинг мазмуни, ўткир воқеликлари, томошабинни жалб этадиган қизғин нуқталари қўлланилади ва телеэкран қаршисидаги оммани мана шу объектга қизиқтира олади. Агар китоб маҳсулотининг ҳам мазмун-моҳияти, ибратли ва қизиқарли сюжетидан парчаларни, лекин якунини жумбоқ сифатида қолдирган ҳолда, худди бир фильм каби суратга олиб, ёки сахналаштириб телеэкранларга узатилса ва шу билан бирга ижтимоий тармоқларга ҳам жойланса, бунда “Мутолаа рекламаси” юзага келади. Натижада, мазкур мутолаа рекламаси орқали диққат марказидаги китобнинг ўқувчилари сонини ошириш мумкин.
Мутолаа ва Ижро танлови
Талабалар ўртасида мутолаанинг аҳамиятини тушиниш ва асар мутолаасидан хулоса чиқариш ва уни оммага маълум қилиш қобилятини баҳолаш мақсадида Мутолаа ва Ижро танлови ташкил этилади. Бунда талабалар жамоа бўлиб иштирок этиб, белгиланган асар мазмунини сахнада роль ижро этиш орқали томошабинга намойиш этиши керак.

• 5-7 талабадан иборат жамоалар тузилади;
• Танлов 6 босқичда (гуруҳлараро, кафедралараро, факультетлараро, олийгоҳ, ҳудудий ва республика босқичлари) олиб борилади;
• Ҳар бир босқичда жамоаларга ижро этиш учун битта китоб белгиланади. Ва шу асар мазмуни бўйича барча жамоалар роль ижро этишиб, ҳакамлар ҳайъатига тақдим этади;

• Битта асарнинг ижроси мазмуни барчада бирдек бўлиши мумкин, лекин унинг томошабинга қай даражада етиб бориши, таъсирчанлк даражаси ҳаммада ҳар хил бўлади. Ижро асар мазмунига ҳамоҳанг равшда ҳам ижро маҳоратига, ҳам юксак мотивация даражасига эг бўлиши керак. Яъни, ҳар бир чиқиш томошабинга катта сабоқ бўла олиши даркор.

Бу танлов талабаларни мутолаага, уни идрок қилишга, ўз маҳоратини намойиш этиш ва оширишга ундайди, шунингдек мутолаа рекламасини кенг оммага намойш этади.

ЭЪТИБОРИНГИЗ УЧУН РАҲМАТ!