Belgi va ramzlarni ishlatilish sohalari Ta’lim sohasida qo’llaniladigan belgi va ramzlar

Mavzu:Belgi va ramzlar. Ularning ahamiyati ishlatilish sohalari

Reja:

1. 
   Belgi va ramzlar
   
2. 
   Belgi va ramzlarni ishlatilish sohalari
   
3. 
   Ta’lim sohasida qo’llaniladigan belgi va ramzlar
   

Belgi va ramzlar, ularning ishlatilish sohasi. Grafik dizayn tushunchasi
Belgi va ramzlar grafik dizaynerlar tomonidan tayyorlanadi. Grafik dizayn –murakkab tuzilishga ega, zamonaviy jamiyatning hamma faoliyat sohalariga kirib borgan bo‘lib, uning iqtisodiy, texnik va madaniy rivojlanishiga xizmat qiladi. Uning xizmat ko‘rsatish sohalari ko‘pincha vizual tarmoqlarga yo‘naltirilgan bo‘ladi. Grafik dizaynda ramzlar, tasvirlar yoki so‘zlar yoki ularning kombinatsiyalarini yaratish uchun turli metodikalardan foydalaniladi. Grafik dizayn ijodiy jarayon bo‘lib, axborot uzatish san’ati va texnologiyasining barcha usullaridan foydalanadi. Grafik dizayn – badiiy-loyihalash faoliyati bo‘lib, belgilangan talablarga mos ravishda vizual-kommunikativ muhitni yaratish yoki o‘zgartirishga xizmat qiladi. Umuman olib qaraganda grafik dizayn tarixi nisoniyat sivilizatsiyasi tarixi bilanchambarchas bog‘liq. Kishilar tomonidan bajarilgan eng qadimiy va soda rasmlarni ham grafik san’at rivojlanishining dastlabki bosqichlariga kiritish mumkin. Grafik dizayn tarixi haqida uning badiiy va kasbiy faoliyatning alohida sohasi sifatida shakllanishidan boshlab gapirish to‘g‘riroq bo‘ladi. Insonlar vaqt o‘tishi bilan axborot (fikr, da’vat, ogohlantirish) larni yozma yoki og‘zaki nutqqa nisbatan grafik tasvirlar orqali ifodalash ko‘proq tushunarli, samarali ekanligini anglab boshladilar. Bunga hozirgi kunda umumqabul qilingan ogohlantirish belgilarini misol qilib ko‘rsatishimiz mumkin. Bu belgilar qisqa vaqtda zarur bo‘lgan minimal axborotni uzatadi. Grafik dizaynning rivojlanish tarixida kitoblarni bosma usulda tayyorlash davri hal qiluvchi ahamiyatga ega. Raqamli texnologiyalar va kompyuterlarning yaratilishi bu jarayonning jadal rivojlanishiga sababchi bo‘ldi. XXasrda dunyoda grafik dizayon rivojlanishiga katta hissa qo‘shgan ko‘plagan milliy grafik dizayn maktablari vujudga keldi: 1920 yillarda rus konstruktivizmi, amerika reklama grafikasi (30-50 yillar), shveysariya grafika maktabi (50-70 yillar), polsha plakat maktabi (50-70 yillar), yaponiya plakat maktabi (60-80 yillar). Ingliz, golland, fransuz, nemis va fin grafik dizayn maktablari ham etakchilardan hisoblanadi.