Bekobod tumani 38-umumiy o’rta ta’lim maktabi o’quvchilar o’rtasida suitsidni oldini olish bo’yicha turli trening mashg’ulotlari, test so’rovnomalar o’tkazilib kelinmoqda

Toshkent viloyati Bekobod tumani 38-umumiy o’rta ta’lim maktabi o’quvchilari bilan suitsidni oldini olish bo’yicha o’tkazilgan aksiya to’g’risida

MA’LUMOT
Bekobod tumani 38-umumiy o’rta ta’lim maktabi o’quvchilar o’rtasida suitsidni oldini olish bo’yicha turli trening mashg’ulotlari, test so’rovnomalar o’tkazilib kelinmoqda. Maktabning 5-11 – sinf o’quvchilari bilan suitsidga moyilligini aniqlash bo’yicha test o’tkazilib, olingan natijalar bo’yicha o’quvchilarga tavsiya va maslahatlar berildi. Shuningdek, maktab o’quvchilari bilan tushkunlik holatini bartaraf etuvchi, kayfiyatni ko’taruvchi, yashashga bo’lgan ishtiyoqini orttirish maqsadida “Yashash uchun 100 ta sabab”, “Barchasi o’z qo’lingda”, “ Yurak yashash zavqi bilan band”, “Ichki nur”, “Ijobiy fikrlashni rivojlantirish”, “Mening hissiyotlarim” va shu kabi trening mashg’ulotlari o’tkazildi. O’quvchilar bilan o’tkazilgan so’rovnoma, trening mashg’ulotlari ularning kayfiyatlarini ko’tarilishiga, tushkunlik holatlarini oldini olishga yaqindan yordam berdi.

Suitsidni oldini olish maqsadida o’quvchilarimizning ertalabdan maktabga qanday kayfiyatda kelishlarini kuzatamiz hamda tanaffuslarda ham o’quvchilarni nimalar bilan bandligini kuzatamiz. Ko’rinishlarida o’zgarish sezilgan o’quvchilar bilan darhol individual suhbatlar o’tkazib muammolarni aniqlashga hamda yechim topishga harakat qilamiz.

Shu bilan birgalikda, o’quvchilarning hayotga bo’lgan ishonchini orttirish, kelajakka umid baxsh etish maqsadida dunyoga mashhur Nik Vuychichning hayotidan lavhalar namoyish etilib, undan kerakli xulosalar chiqarib olishdi.

Shuningdek, maktab o’quvchilariga “Burgut tarixi” mavzusida tayyorlangan taqdimot namoyish etilib, insonlar hayoti bilan qanday bog’liqlari borligi, qaysi jihatlari bilan o’rnak olishimiz kerakligi kabi tushunchalar tushuntirib berildi.

Maktab direktori: N.Do’smatova

Maktab psixologi: Sh.Rasulberdiyeva