Bekiston respublikasi turizm va madaniy meros vazirligi madaniy meros agentligi buxoro viloyati madaniy meros boshqarmasi

Ilova____ varaqda.

Boshqarma boshlig‘i Sh.Sharofiddinov

Madaniy meros agentligiga

O‘zbekiston Respublikasi Prezidentining 2022 yil

28 yanvardagi “2022-2026 yillarga mo‘ljallangan Yangi O‘zbekistonning taraqqiyot strategiyasi to‘g‘risida”gi PF-60-son Farmonining 2-ilovasiga muvofiq ““2022-2026 yillarga mo‘ljallangan Yangi O‘zbekistonning taraqqiyot strategiyasini “Inson qadrini ulug‘lash va faol mahalla yili”da amalga oshirishga oid Davlat dasturi tasdiqlangan.
Mazkur davlat dasturining 184-bandi 2-qismi 4-xatboshisiga muvofiq Buxoro shahrida Arxeologiya institutining filialini tashkil etish vazifasi belgilab berilgan.
Shunga muvofiq, tashkil etilishi rejalashtirilayotgan Arxeologiya institutining filiali va texnik bazasini joylashtirish maqsadida Buxoro shahar, Amiriy ko‘chasi 25 uyda joylashgan “Kundjak” madrasasi va “Kundjak” masjidi madaniy meros ob’ekti taklif etiladi.
Buxoro shahrida Arxeologiya institutining filiali va texnik bazasini tashkil etish moliyaviy jihatdan dastur doirasida amalga oshirilishi ko‘zda tutilmoqda.


Boshqarma boshlig‘i v.v.b Sh.Sharofiddinov

Shahar(tuman)lar hokimliklariga

O‘zbekiston Respublikasining 2001 yil 30 avgustdagi «Madaniy meros ob’ektlarini muhofaza qilish va ulardan foydalanish to‘g‘risida» 269-II-son Qonunining 12-moddasining birinchi xatboshisida Tarixiy-madaniy qimmatga ega bo‘lgan ob’ektlarni Moddiy madaniy meros ob’ektlarining davlat kadastriga yoki Nomoddiy madaniy meros ob’ektlarining ro‘yxatiga kiritish O‘zbekiston Respublikasi Madaniyat vazirligi (hozirda Turizm va madaniy meros vazirligi) tomonidan mahalliy davlat hokimiyati organlari, shuningdek yuridik va jismoniy shaxslarning takliflari asosida amalga oshiriladi deb belgilangan.

Shunga ko‘ra, Sizdan hududingizda joylashgan yangi aniqlangan Tarixiy-madaniy qimmatga ega bo‘lgan ob’ektlar mavjud bo‘lsa, o‘z takliflaringizni viloyat madaniy meros boshqarmasiga taqdim etishingizni so‘raymiz.