Bazar ekonom jagday. Sayipnazarov. S

2.5. Resurslardı qayta bo`listiriw ha`m tuwraqlastırıw siyasatı 

Ma`mleket  regionları  ha`m  ekonomikalıq  tarmaqları  ortasında  ulıwma 

ma`mleketlik  paydalalıqların  esapqa  alg`an  halda  resurslardı  qayta  bo`listiriw 

ma`mlekettin` a`hmiyetli funktsiyalarınan biri esaplanadı. 

Ekonomikanın`  quramlıq  du`ziliwin  bo`listiriw,  sotsiallıq  a`hmiyetli,  biraq 

payda ko`rip islemeytug`ın taraw yaki ka`rxanalardı qollap - quwatlaw maqsetleri 

ma`mleket  byudjeti  arqalı  da`ramatlar  ha`m  resurslardı  tarawlar  arasında  qayta 

bo`listiriw za`ru`riyatın toltıradı.  

Bul  wazıypa  barlıq  tarawlardan  alıng`an  salıq  tu`simleri  esabına  finanslas-

tırılg`an, oraylastırılg`an investitsiya qa`rjıların u`stin (joqarı na`tiyjeli) tarawlarg`a 

jo`neltiriw,  sol  tarawlarg`a  salıq  jen`illikleri,  subsidiyalar,  jen`illikli  kreditler 

ajıratıw arqalı a`melge asırıladı.  

Kommunal xojalıq, sonın` ishinen ja`ma`a`t transportı kibi tarawlar   

ekonomikalıq  tarawlarının`  na`tiyjeli  islewi,  normal  turmıslıq  xızmetti  jolg`a 

qoyıw  ushın  za`ru`r  xızmetlerdi  ko`rsetkeni  halda    rentabelli  tarawlar  bolmag`anı 

ushın ha`m ma`mleket byudjetinen dotatsiya aladı. 

Ma`mleket  aymaqlarının`  resurs  imkaniyatı  bir  tu`rli  emesligi,  xalıq 

tıg`ızlıg`ı, sanaat tarawlarının` rawajlanıwı da`rejelerindegi ayırmashılıqlar sebepli 

xalıqtın`  jan  basına  tuwrı  keletug`ın  JĐO`,  sanaat  o`nimi,  pullı  xızmetler,  pullı 

---

 

 

 

23

da`ramatlar  kibi  ko`rsetkishler  regionlarara  parıq  qıladı.  Bul  ayırmashılıqlardın` 

teren`lesiwi,  o`z  na`wbetinde  milliy  ekonomikanın`  na`tiyjeliligine  keri  ta`sir 

ko`rsetedi,    sonda  da  rawajlanıw  da`rejesi  pa`s  aymaqlardan  kapitaldın`  qashıwı 

jag`dayları ko`rinis beriwi mu`mkin. Bul bolsa tu`rli aymaqlar ortasındag`ı ekono-

mikalıq  rawajlanıw  da`rejelerinde  payda  bolg`an  ayırmashılıqtı  ja`ne  de 

teren`lestiredi.