Bayonnomasi

Kun tartibidagi masala yuzasidan MMIBDO’ D. Musayeva so‘zga chiqib, ota-onalarning o‘z farzandlari tarbiyasiga befarq bo‘lmasliklari uchun ustozlar, maktab bilan doimiy aloqada bo‘lib turishlari, farzand tarbiyasi g‘oyat muhim, chetga surib bo‘lmaydigan vazifa ekanligi xususida fikr yuritdi. Ularning sog‘lom, barkamol, har jihatdan yetuk, bilimdon bo‘lishlari uchun maktab,mahalla, ota-onalar hamkorlikda ish olib borishlari lozimligini tushuntirdi.

Sog‘lom turmush tarzini farzandlarga singdirishda “Qush uyasida ko‘rganini qiladi” naqlidan kelib chiqib ota-onalarning uyda farzandlariga ibrat bo‘lib kitob o‘qishlari, ma’naviy bilimlarini oshirib borishlari, ustozlar bilan doimiy muloqotda bo‘lib, farzandlarining yurish-turishi darslarni o‘zlashtirishi, davomati, sihat-salomatligi uchun qayg‘urishlari lozimligini haqida gapirdi.

Masala yuzasidan viloyatdagi barcha o‘quv yurtlarida “Oila saboqlari” o‘quvini samaradorligini oshirish, qizlarni oilaviy xayotga tayyorlashda milliy urf-odat, qadriyatlarimizni erta turmushga chiqishi, umuman mustaqil xayotga qizlarimiz tayyormi yoki yo‘q? Biz xususan ota-onalar bu jiddiy masalaga e’tiborsiz bo‘lishimiz, buning natijasida ko‘p oilalarda yosh kelin-kuyovlarning murosasizlikka, tug‘iladigan farzandlari esa nogiron yoki rivojlanmagan, belgilangan vaqtdan erta tug‘ilib qolishlariga sabab bo‘lmoqda. Qizlarimizni turmushga chiqarishdan oldin avvalo oilada ota-onalar qizlari bilan suxbatlashib, to‘g‘ri tushunchalar berib borishlari lozim. Onalarimiz qizlari bilan vaqt ajratgan xolda yurakdan suxbatlashishlari kerak. Zarurat bo‘lsa tibbiy ko‘rikka birga olib borishlari va farzandlarining sog‘lig‘i xaqida ma’lumotlarni bilishlari kerak. Ba’zi maxallalarda bekorchi ayollar ko‘chaga chiqib, qizlarimizdan ayb izlashadi, ya’ni maxalladagi qizlarning tibbiy ko‘rikdan o‘tgani borganini ko‘rishib yoki eshitib qolishdimi o‘zlari ma’nosiz gaplarni tarqatishadi qo‘yadi. Qizlarimiz shunday gaplardan o‘zlarini olib qochib, tibbiy ko‘riklardan o‘tmay turmushga chiqishga rozi bo‘lishib so‘ngra pushaymon eb qolishyaptilar. Bunday gaplarni tarqatadigan ayollarni MFY tomonidan oilamiz mustaxkam bo‘lishi uchun yig‘ilishlar, uchrashuvlar, tushuntirish ishlarini o‘tkazib borishlari zarur. Oilamizni mustaxkam bo‘lishiga yosh kelin-kuyovlarimiz sog‘lom tarzda turmush qurishib, sog‘lom farzandlarni tarbiyalashlari kerak. Yigit-qizlarimiz turmush qurishlari oldidan qonuniy tibbiy ko‘riklardan vaqti-vaqti bilan o‘tishlarini axamiyati kattadir. SHundagina qizlarimiz turli to‘siqlardan qutilib qolishadi. Kelin bilan qaynona kelishuvi xam oilamizni mustaxkamlaydi. Ba’zi bir xonadonlarda qaynona bilan kelinlar chiqisha olmaydilar. Bunga sabab nima? Albatta qizlarimizni erta turmushga chiqib o‘z oilasidek muomalada bo‘lishlaridadir. Qaynona ish buyursalar kelinlarimiz xo‘p bo‘ladi oyijon deb aytgan vaqtida bajarsalar olam guliston. Qaynona xam onadir, xech qaysi ona bolasiga yomonlikni istamaydilar. SHunday ekan qizlarimizga onalarimiz saboq berayotganlarida shu mavzuga aloxida to‘xtalib o‘tsalar maqsadga muvofiq bo‘lar edi. Qizlarimiz alla aytishni xam oldindan o‘rganishlari kerakligi haqida gapirdi.