Baslawısh klass oqıtıwshıları ushın Nókis 2012

---

 

 

 

 

 

 

 

 

 

 (baslawısh klass oqıtıwshıları ushın)

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Nókis – 2012 

 

---

 

2 

Usı  toplam  baslawısh  klass  oqıtıwshıları  ushın  mólsherlengen  bolıp,  onda 

oqıwshılardın`  sawatlılıǵın  támiynlew,  olardıń  kóriw,  esitiw  qábiletlerin 

rawajlandırıw sıyaqlılar esapqa alınǵan. 

Toplamda  diktant  jazdırıw  metodikası,  tekstlerdiń  balalardıń  jas 

ózgesheligine  sáykesligi,  tálim-tárbiya  protsessindegi  úzliksizlik,  oqıwshılardıń 

sózlik baylıǵın, sóylewin rawajlandırıw sıyaqlılar tolıq óz kórinisin tapqan. Sonıń 

menen birge, ondaǵı materiallar baslanǵısh tálim Mámleketlik standartı talapları 

tiykarında jámlengen hám oqıwshılardıń diktant jazıw kónlikpelerin jetilistiriwge 

járdem beredi. 

---

 

3 

KIRISIW 

Bilimlendiriwdiń  tómengi  basqıshında  balalardı  oqıw,  jazıwǵa  úyretiw,  sóylewin 

ósiriwge, oylaw xızmetlerin keńeytiriwge ayrıqsha itibar beriw zárúr. 

Balalardıń esitiw, kóriw qábiletlerin rawajlandırıwda olardı diktant jazıwǵa úyretiw 

paydalı  esaplanadı.  Jumıs  dáslep  doskadan  yamasa  kitaptan  kóshirip  jazıwǵa 

úyretiwden  baslanadı.  Soń  buwın,  sóz  hám  gáplerdi  esitip  jazıw,  durıs  jazǵanın  oqıp 

tekseriw wazıypası beriledi. 

Birinshi klass oqıwshıları bir neshe háriplerdi úyrenip alǵanınan soń, dáslep olar 

eki yamasa úsh dawıstan ibarat sózlerdi esitip jazıwǵa úyretiledi. 

Imlanı  úyretiwde  diktant  jazdırıp  turıw  –  oqıwshılardıń  sawatlılıǵın  arttırıwǵa 

járdem beredi. 

Jazıw shınıǵıwları balalardıń ruwxıy halatları menen baylanıslı bolıp, bul quramalı 

isti tez ámelge asırıw qıyın boladı. 

Dawıslardı  jazba  háripke  aylandırıp  jazıw  protsessinde  balalarda  qıynalǵanlıq 

belgileri  seziledi.  Máselen,  olar  baspa  háriplerde  oqıǵanların  eslep,  olardı  jazba  qılıp 

jazıw mashaqatın bastan keshiredi. 

Oqıwshıda  diktant  jazıwda  payda  bolǵan  tájiriybe  keyin  ala  bayan,  jazba  jumıs 

jazıwǵa tiykar tayarlaydı. 

Diktant ushın tańlanatuǵın sóz, gáp hám tekstler ápiwayı, túsinikli bolıwı menen 

birge  bilimlendiriw  áhmiyetine  iye  bolıp,  balanıń  qızıǵıwshılıqların  arttırıwǵa  xızmet 

qılıwı lazım. 

Diktant jazıwda bala sulıw jazıw qaǵıydalarına da tolıq ámel qılıwı kerek. 

 

 

 

 

 

 

 

 

 

 

 

 

 

 

 

 

---

 

4