Baslawısh klass oqıtıwshıları ushın Nókis 2012

1. Berilgen sózlerdi  qatnastırıp  gáp  dúziw hám  onı  jazıw.  Dóretiwshilik 

diktanttıń  bul  túri  baslawısh  klasslardıń  hámmesinde  ótkeriledi.  Máselen,  2-klassta 

háreket bildirgen sózler teması ótilgende qandayda bir nárseniń háreketin bildiretuǵın 

bir neshe sózlerdi qatnastırıp gáp dúziw tapsırması beriledi. Belgilengen waqıt ótkennen 

soń,  oqıtıwshı  oqıwshılardan  dúzgen  gáplerin  oqıwın  soraydı.  Oqıwshılar  tómendegi 

gáplerdi oqıydı: Eshki mańıraydı. At kisneydi. Qoraz qıshqıradı. 

Oqıwshılardıń aytıwda jol qoyǵan qáteleri dúzetiledi. Oqıtıwshı oqıwshılar aytqan 

gáplerden durısın tańlap, aytıp jazdıradı. Jumıs usı tárizde dawam etedi. Oqıwshılarda 

dóretiwshilik  diktant  jazıw  tájiriybesi  qálipleskennen  soń  tańlanǵan  gápti  dúzgen 

oqıwshınıń ózi aytıp jazdırıwı múmkin.