Baslawısh klass oqıtıwshıları ushın Nókis 2012

 

KÓRSETIW DIKTANTI 

Kórsetiw  diktantı  baslawısh  klasslardıń  hámmesinde  ótkeriledi.  Bunıń  ushın 

ótilgen temaǵa tiyisli tekst «Diktantlar toplamı»nan tańlanadı hám sabaqtan aldın sulıw 

jazıw qaǵıydalarına ámel qılǵan halda doskaǵa jazıp qoyıladı. 

Tekst bir márte asıqpastan, túsinikli etip oqıp beriledi. Sáwbetlesiw (soraw-juwap) 

járdeminde  túsindiriledi  hám  úyrenilgen  qaǵıydalar  esletilip,  tekst  mazmunı 

bekkemlenedi. Sonnan soń tekst waqıtsha jawıp qoyıladı hám aytıp jazdırıladı. Tekstti 

aytıp jazdırıp bolǵannan soń, doskadaǵı tekst ashıladı. Oqıwshılar jazǵanların doskadaǵı 

tekst penen salıstırıp, jol qoyǵan qátelerin durıslaydı. 

Máselen, 2-klassta sóz hám gáp haqqında túsinikke iye bolǵannan keyin tómendegi 

tekst tiykarında kórsetiw diktantın ótkeriw múmkin. 

 

Tań 

Tań attı. Tábiyat oyandı. Quslar sayray basladı. Quyash nurın shashtı. Kóshelerde 

háreket baslandı. 

 

Doskadaǵı  tekst  túsinikli  etip  oqılǵannan  soń,  gáptiń  aqırında  dawıstıń  páseyiwi, 

jazıwda tochka qoyılıwı, gáptiń birinshi sózi bas hárip penen jazılıwı sáwbetlesiw arqalı 

túsindiriledi. Soń doskanı perde menen bekitip, tekst aytıp jazdırıladı. 

Oqıtıwshı  birinshi  gápti  (Tań  attı)  oqıydı,  biraq  onnan  soń  tochka  (.)  qoyılıwın 

aytpaydı. Oqıwshılar gápti jazıp, aqırına tiyisli irkilis belgisin qoyadı. Oqıtıwshı basqa 

gáplerdi de usı tártipte aytıp jazdıradı. 

Tekst  jazdırıp  bolınǵannan  soń,  doskadaǵı  tekst  ashıladı.  Oqıwshılar  jazǵanların 

doskadaǵı jazıwǵa salıstırıp, qátelerin durıslaydı. 

---

 

7 

Oqıtıwshı  oqıwshılar  dápterin  sabaq  aqırında  jıynap  aladı,  tekserip,  óz  betinshe 

jumıs sıyaqlı bahalaydı. 

Kórsetiw diktantın ótkeriw ushın bekkemleniwi kózde tutılǵan temaǵa tiyisli tekstti 

«Ana  tili»  yamasa  «Oqıw  kitabı»nan,  sonday-aq,  kórkem  ádebiyatlardan  da  tańlaw 

múmkin. 

Usı  toplamda  kórsetiw  diktantı  ushın  usınıs  etilgen  tekstlerden  oqıtıwshı  óz 

oqıwshılarınıń bilim dárejesi, qabıl etiw dárejesine qarap paydalanıwı, ayırım tekstlerge 

dóretiwshilik tárepten jantasıwı da múmkin. 

Kórsetiw  diktantı  oqıwshılardıń  oqıwshılardıń  kóriw,  túsiniw  sezimleri  menen 

esitiw sezimleriniń rawajlanıwına járdem beredi.