Baslawısh klass oqıtıwshıları ushın Nókis 2012

SAYLANDI DIKTANT 

Saylandı  diktant  úyrenilgen  grammatikalıq  hám  imla  qaǵıydaların  bekkemlewge, 

olardı  ámelde  qollawda  járdem  beriw  menen  birge,  oqıwshılar  temanı  qay  dárejede 

ózlestirgenliklerin anıqlawǵa da imkan beredi.  

Diktanttıń  bul  túrinde  oqıwshı  teksttiń  yamasa  gáplerdiń  hámmesin  jazbay, 

úyrenilgen qaǵıydalar tiykarında jazılatuǵın sózler yamasa sóz birikpelerin ǵana saylap 

jazadı, sonıń ushın da ol saylandı diktant delinedi. 

---

 

6 

Saylandı  diktant  tómendegishe  ótkeriledi:  oqıtıwshı  «Diktantlar  toplamı»nan 

úyrenilgen  qaǵıydaǵa  sáykes  sózler,  gápler  kóbirek  qatnasqan  tekstti  tańlaydı.  Tekst 

sabaqtan aldın doskaǵa jazıp qoyıladı (kóshpeli jazıw doskasınan paydalanıw múmkin). 

Oqıtıwshı tekstti bir mártebe oqıp bergennen soń, tekst analiz etilip, úyrenilgen qaǵıyda 

tiykarında jazılatuǵın sózler yamasa sóz birikpeleri anıqlanadı hám qaǵıyda tákirarlanıp, 

bekkemlenedi.  Keyin  tekst  bir  oqıwshıǵa  oqıtılıp,  balalar  dıqqatı  doskadaǵı  jazıwǵa 

qaratıladı.  Sonnan  soń  doska  perde  menen  jawıp  qoyıladı  hám  oqıtıwshı  balalarǵa 

aytadı:  

- Men doskaǵa jazılǵan gáplerdi tártip penen oqıyman. Sizler men oqıǵan gáplerdi 

tolıq  jazbay,  tákirarlanǵan  qaǵıydaǵa  muwapıq  bolǵan  sóz  hám  sóz  birikpelerin  ǵana 

saylap jazasızlar. Eger gápte usı qaǵıyda tiykarında jazılatuǵın sóz yamasa sóz birikpesi 

bolmasa, bul gápti ulıwma jazbaysız.  

Oqıwshılar  saylandı  diktanttı  jazıp  bolǵannan  soń,  doskadaǵı  tekst  oqıtıwshı 

basshılıǵında oqıtıladı hám tekseriledi: oqıtıwshı saylap jazıw lazım bolǵan sóz yamasa 

sóz  birikpesiniń  astına  sızadı,  oqıwshılar  jazǵanların  doskadaǵıǵa  salıstırıp  tekserip, 

qátelerin dúzetedi.  

Saylandı diktant jazıw ushın oqıwshı grammatikalıq hám imla qaǵıydaların biliwi 

kerek. Saylandı diktant oqıwshılardı hár bir gápke, sóz birikpesine, hár bir sózge dıqqat 

penen  qarawǵa  ádetlendiredi,  kerekli  sózdiń  grammatikalıq  formasın  ámeliy  túrde 

qollawǵa, ziyreklikke úyretedi.