Баҳромова Гўзал 5-лаборатория машғулоти Графологик таҳлил Лаборатория ишининг мақсади

Баҳромова Гўзал
5-лаборатория машғулоти
Графологик таҳлил
Лаборатория ишининг мақсади:
Рангтасвир асарларини графологик таҳлилини амалга ошириш методларини ўрганиш.
Керакли асбоблар рўйхати:

1. 
   Рангтасвир асари.
   
2. 
   Эталон маълумотлар, муаллиф ҳаётига доир архив, тарихий ҳужжатлар.
   

Қисқача назария
Графологик метод қандай ишлайди. Графология – фанми ёки санъат?
Эҳтимол, агар графологик таҳлилга бир мунча аниқ таъриф беришга ҳаракат қилинса, барчаси ҳаққоний айтилса, ўзида у ёки бу элементларни ўз ичига олади.
Графологик тизим эмперик кузатиш қонуниятларига асосланган тадқиқотлар бўлиб, махсус эксперимент ҳам ҳисобланади. Графологик методнинг назарий базасини кўп сонли илмий изланиш ва тадқиқотлар ташкил қилади.
Графология илмий ҳамда ғоявий жиҳатдан амалий дедуктив назарий тузилишни тасдиқлашни талаб қилади. Бу графологияни психодиагностиканинг бошқа бир неча руҳий зўриқиш ҳолатлари классификацияси бўйича тажриба йўналишларидан ажратади.
Тушуниш аппаратидан фойдаланиш нуқтайи назари билан қаралса, графология психологик фанларнинг билиш доираси билан бир қаторда туради, яъни шахсият назариясидан то психопатологиягача бўлган назарияни ўз ичига олади. Кўпроқ графология классик психологиянинг асосий таълимоти билан коррелятланади (коррелят – мазмуни бошқа тушунча билан муносабатдагина очиладиган тушунча), кўпинча унга тиркаланади.
Шуни қайд этиш лозимки, графология (психология ва медицина фанлари ва бошқа фанлар каби) сўзнинг математик ғоясидаги аниқ фан ҳисобланмайди. Назарий асосга қарамай, тизимли қонуният, жадваллар ва бошқалар – сифатли графологик таҳлилнинг асоси бўла олмайди, дастхат фақатгина жонли мутахассис иштирокидагина ўрганилади, кимнингдир тажрибаси ва психологик ҳис қилишини график аломатларнинг нозик фарқлари ва бирикмаларини аниқ интерпретация вариантлари билан алмаштириб бўлмайди. Фақатгина дедуктив йўл етарли эмас; шахсият тадқиқ қилинаётган бутун бошли картинанинг кўп сонли аломатларини таҳлил қилишни талаб қилинади. Шунинг учун графологдан жараённи ўрганиши узоқ амалиётни талаб қилади, биринчи навбатдаги вазифа дастхат фарқларинидан таниш учун “ўрганган кўз” га эга бўлиш талаб этилади, иккинчидан, график аломатларнинг ўзаро алоқаларини эффектив солиштиришни ўрганиш керак. Бу ҳолда графологияга санъат элементи сифатида қаралади.