Баркамол авлод

ЎЗБЕКИСТОН РЕСПУБЛИКАСИ ХАЛҚ ТАЪЛИМИ ВАЗИРЛИГИ

“баркамол авлод” республика болалар
техник ижодиёт маркази

“Компьютер графикаси ва дизайни”
тўгараГИ ЎҚУВ дастури

ТОШКЕНТ – 2016й

Муаллиф:		Д.Мусаджанова – “Баркамол авлод” Республика болалар техник ижодиёт маркази тўгарак раҳбари
Тақризчилар:		Г.Рахимова – “Баркамол авлод” Республика болалар техник ижодиёт маркази директор ўринбосари
		А.Султонова - “Баркамол авлод” Республика болалар техник ижодиёт маркази услубчиси

Ушбу ўқув дастури Республика Таълим маркази ҳузуридаги Маънавий-маърифий йўналишдаги Илмий методик кенгашининг 2016 йил 15 июлдаги

6-сонли навбатдан ташқари йиғилиш қарори билан фойдаланишга тавсия этилган.

“Компьютер графикаси ва дизайни” тўгараГИ ЎҚУВ дастури


Кириш

Ҳозирги кунда ўқувчи-ёшларда компьютерда ишлаш кўникмаси шаклланиб бўлган. Замонавий компьютерларда матн йўналишидаги ахборотлардан ташқари график кўринишидаги ахборотларни ҳам қайта ишлаш имконияти мавжуд. Бу нарса масала моҳиятини янада чуқурроқ тасаввур қилишга ва хулоса чиқаришга ёрдам беради. График ахборотлар расм, шакл, сурат ва чизмаларда акс этади. Сўнгги йилларда график чизишдан ва компьютер дизайнидан барча соҳаларда кенг фойдаланилмоқда. Махсус график муҳаррирлар ёрдамида оддий тасвирлардан тортиб, юксак санъат асарларини ҳам яратиш мумкин.

“Компьютер дизайни ва графикаси” тўгараги ўқувчиларга фан ва техника соҳаларида компьютер ва ахборот технологияларини кенг жорий этиш, замонавий компьютер ва ахборотлар тизимидан кенг фойдаланиш, компьютерда дизайнлар яратиш ва графика ишларини амалга оширишни ўргатади.
“Компьютер дизайни ва графикаси” тўгарагига 6 ёшдан 18 ёшгача бўлган ўқувчилар жалб қилинади.
Мазкур ўқув дастури Халқ таълими вазирлигининг 2015 йил
31 мартдаги 7-мҳ-сонли буйруғи билан тасдиқланган мактабдан ташқари таълимга қўйиладиган давлат талаблари асосида ишлаб чиқилган.
Ушбу ўқув дастурида берилган мавзулар ва мавзуга оид соатлар миқдори (216 соатдан чиқмаган ҳолда) ҳудуднинг ва тўгаракларга жалб қилинган болаларнинг ёш хусусиятларидан келиб чиққан ҳолда тўгарак раҳбари томонидан 25 фоизгача ўзгартирилиши мумкин.

“Компьютер дизайни ва графикаси” тўгарагининг ўқув дастури