129 / АЙБДОР — АЛЛАМЖОНОВ
2007
й.
менда карьера деган нарсанинг ўзи бўлмаган. Мен
бир умр в.б — «вазифасини бажарувчи» мақомида
ишлаганман, расмий лавозимга тайинланган эмас-
ман. Биринчи марта «в.б.» деган қўшимчасиз эгал-
лаган катта лавозимим — Президентнинг матбуот
котиблиги бўлди. Ҳамма атрофимдагилар идора-
ларнинг катта-катта мансабларига лойиқ кўрилар-
ди, мен эса — йўқ. Нуқул кимнингдир «вазифасини
бажарувчи» бўлардим, яъни беш кишининг ўрнига
ишлаб, шунда ҳам баъзан меҳнатимга раҳмат эшит-
масдим.
Карьера ҳақида гапирмаса ҳам бўлади!
23 ёшимда йигирма кун ичида бир ўзим, бирор-
та ёрдамчисиз, нолдан «Солиқлар тарихи музейи»-
ни очдим. Ўзбекистон ташкил қилинган пайтдан
бошлаб солиқ-фискал идораларининг кўп йиллик
тарихига алоқадор ҳамма экспонатларни, ҳужжат-
ларни тўпладим. Ухламай, емай-ичмай, ёлғиз ўзим
ҳаммасини пухта қилиб, қисқа муддатда тайёрлаш-
га ҳаракат қилдим. Музейнинг очилишига юқори
мансабли амалдорлар, каттаконлар келди, анча то-
моша қилишди, ҳаммага ёқди.
Ўзимизнинг ДСҚ раҳбариятидан айримлар эса
тирноқ остидан кир қидириб, майда-чуйда камчи-
лик топиб, танқид қила бошлашди: «У ерини тўғри-
лаб қўй, бу ерини тузатиб ол...» Тўғрилайдиган та-
йинли нарсанинг ўзи йўқ эди-ю, гапни кўпайтир-
мадим: «Хўп, тузатиб қўяман». Лекин битта гапни
бешинчи марта қайтаришганидан кейин: «Тўғри-
130 / АЙБДОР — АЛЛАМЖОНОВ
лаб қўяман дедим-ку!» — деб кескинроқ жавоб бер-
дим.
Буларга тегиб кетганини кўрсангиз... Худди мен
юзига тарсаки тортиб юборгандек. Қарабсизки,
МХХ кураторлари Солиқ қўмитаси раисидан рух-
сат олиб, мен билан «тарбиявий суҳбат» ўтказиш-
ди, алоҳида хонага опкирволиб, дўқ-пўписа қилиб,
анча пўстагимни қоқишди.
Ўшанда генералнинг олдига кириб: «Мен нима
ёмон иш қилдим? Нега менга бундай муомала қи-
лишади? Шу тизим учун бир ўзим бутун бошли
музей ташкил қилдим, бир дунё архивларни титиб
чиқдим, чиройли қилиб тақдимотини ўтказдим.
Булар бўлса раҳмат айтиш ўрнига бошимни қо-
тиришяпти» — дедим. Қўрқадиган жойим йўқ-
лигини, ҳаммаси ҳиқилдоғимга келганини айт-
дим. Тўғрисиям-да, йўқ жойдан ҳаётимни барбод
қилиш кимга керак ўзи?
Шунда Раис мени тинч қўйиш ҳақида коман-
да берди. Бор-йўқ карьерам шу — «ишқилиб мени
тинч қўйишса бўлди».
... Президент Администрацияси раҳбари шахсан
ўзи қўнғироқ қилганди. «Табриклаймиз, сиз Прези-
дентнинг матбуот котиби бўлдингиз!»
Фантастиканинг ўзи-я?! Ўзбекистонда катта ла-
возимга одатда айнан шундай — кутилмаганда та-
йинлашади. Амалдан кетишинг эса ўзингга боғлиқ
131 / АЙБДОР — АЛЛАМЖОНОВ
эмас — фақат ишдан олишса, лавозимингни туши-
ришса ёки кўтаришсагина кетишинг мумкин. Ё вафот
этсанг, ёки қамалсанг, тавба қилдим, Худо сақласин!
Do'stlaringiz bilan baham: |