Bank va moliya bozorlari fan sillabusi

I. Fan tavsifi

Bank va moliyaviy bozorlari fani moliya va bank tizimi va uning tarkibi bo’yicha tushunchalarni o’rgatish orqali talabalarni bilimlarini rivojlantirishga qaratilgan. Fan talabalarga moliya tizimi, moliya bozorlari, moliya institutlari, bank tizimi oid mavzularini qamrab oladi.

Fan 8 ta mavzudan iborat. Birinchi mavzu pul massasi va foiz stavkalariga bag‘ishlangan. Ikkinchi mavzu qisqa muddatda iqtisodiy tebranishlarni o‘rganishga qaratilgan. Uchinchi mavzu iqtisodiy tebranishlar, pul-kredit siyosati va moliya tizimiiga bag‘ishlangan. To‘rtinchi mavzu inflyasiya va deflyasiya to‘g‘risida. Beshinchi mavzu iqtisodiy barqarorlik siyosatini o‘rganishga qaratilgan. Oltinchi mavzuda monetar institutlar va ularning strategiyalari to’g’risida. Yettinchi mavzuda asosiy monetar siyosat va valyuta kursi to’g’risida. Sakkizinchi mavzu moliyaviy inqirozlarga bag‘ishlangan.


II. Fanning maqsadi

- bank va moliya bozorlarida ishlatiladigan matematik hisob kitoblar va modellar, strategiyalarni o’rgatish. Shuningdek, moliya bozori va banklarning o’ziga xos xususiyatlarini tavsiflash va baholash, umumiy muammolarni aniqlash va ularni yechishda matematik vositalar va modellarni qo’llash imkoniyatlarini o’rganish.

III. Ta’lim berish natijalari
Ushbu fanni muvaffaqiyatli tugatib, talabalar quyidagi ko‘nikmalarga ega bo‘ladi:

• 
  Moliya tizimidagi jarayonlar va ularning ishlash mexanizmini, masalan, aktivlar baxosi o’zgarishi, ma’lumotlar assimetriyasi, monetar qonunlarning amaliyotda ishlash bosqichlari, moliyaviy va monetar siyosatdagi qarorlarning umumiy iqtisodiy jarayonlarga ta’siri bo’yicha tasavvur va bilimga ega bo’lishi;
  
• 
  Maxsus dasturlar xususan excel orqali bazi iqtisodiy ko’rsatkichlar (ishlab chiqarish tafavuti, inflasiya va YaIM trendi) ni hisoblash ko’nikmalariga ega bo’lishi;