Bank likvidliligi

Joriy likvidlilik koeffitsienti - likvid ko’rinishdagi va qaytarish muddati 30 kungacha bo’lgan aktivlarni, talab qilib olinganga depozitlar va ijro etish muddati 30 kungacha bo’lgan majburiyatlar nisbati olinadi.

Likvid aktivlar va qaytarish muddati 30 kungacha bo’lgan aktivlar	min	0,3
Talab qilib olinguncha va ijro etish muddati 30 kungacha bo’lgan majburiyatlar

Mazkur koeffitsientlarni baholash uchun ularni boshqa tijorat banklarining tegishli joriy likvidlilik koeffitsientlari bilan taqqoslash zarur.

1. Agar bizning bankda mazkur koeffitsientning darajasi boshqa banklardagi ushbu ko’rsatkichning darajasidan sezilarli darajada yuqori bo’lsa, bu holat bizning bankning yuqori darajada likvidli ekanligini va bank aktivlarining daromadliligini past darajada ekanligidan dalolat beradi. Bu esa, albatta, salbiy holat hisoblanadi.

2. Agar bizning bankda mazkur koeffitsientning darajasi boshqa banklardagi ushbu ko’rsatkichning darajasidan sezilarli darajada past bo’lsa, bu holat bizning bankning likvidlilik darajasini past ekanligini va bankda likvidlilik riskini mavjudligini bildiradi. Bu ham salbiy holat hisoblanadi.

Agar bizning bankda mazkur koeffitsientning darajasi boshqa banklardagi ushbu ko’rsatkichning o’rtacha miqdori darajasida bo’lsa, bu holat bizning likvidlilik darajasini mo’’tadil ekanligidan dalolat beradi va bu ijobiy holat hisoblanadi. Ammo shuni esda tutish lozimki, taqqoslanayotgan banklar aktivlarining miqdoriga ko’ra bita guruhga mansub bo’lgan banklar bo’lishi lozim.
REYTING

Bu bir necha banklarning bir-biriga taqqoslab topiladigan baholaridir. Reyting bir xil yo’nalishlar bo’yicha banklarning kulga kiritgan yutuqlari, ularning kamchiliklari va istiqbol yo’llarini belgilab beruvchi omillarini belgilab beradi.

Tijorat banklarining reyting ballarini aniqlashda chet el rivojlangan banklari usullaridan, xususan, «CAMELS» usulidan foydalaniladi.

•