Bandlik va mehnat munosabatlari vazirligi navoiy viloyat bandlik bosh boshqarmasi

O‘ZBEKISTON RESPUBLIKASI BANDLIK VA MEHNAT MUNOSABATLARI VAZIRLIGI

NAVOIY VILOYAT BANDLIK BOSH BOSHQARMASI 210100, Navoiy viloyat, Navoiy shahar, Navoiy ko‘chasi, 43a-uy Telefon/Fax: [phone], www.mehnat.uz, e-mail: [e-mail]

№________________________________ “_____”_____________2022 yil

Viloyat prokuraturasi
10.1-bo‘lim boshlig‘i
J.M.Madraximovga

Ijtimoiy tarmoqlarda “Navoiy shahri hokimligida Kecha jazolagan bo‘lsak, bugun rag‘batlantiramiz tamoyili” nomli habar yuzasidan Navoiy shahar hokimligida o‘rganish o‘tkazildi.

Navoiy shahar hokimining 2022 yil 13 iyundagi “Intizomiy chora qo‘llash to‘g‘risida”gi 96-5-78-G‘/22-sonli Farmoyish bilan Navoiy shahar hokimining investitsiyalar, innovatsiyalar, hususiylashtirilgan korxonalarga ko‘maklashish, kichik sanoat zonalari hamda turizmni rivojlantirish masalalari bo‘yicha o‘rinbosari Djonuzoqov Shuxrat Kuvandikovichga O‘zbekiston Respublikasi MK 181-moddasining 1-bandiga “hayfsan” intizomiy jazo chorasi qo‘llanilgan.
Navoiy shahar hokimining 2022 yil 4 iyuldagi “Rag‘batlantirish to‘g‘risida”gi
112-5-79-F/22-sonli Farmoyishida 2022-yil II choragi yakuni bo‘yicha quyidagi Navoiy shahar hokimligi, shahar Kengashi kotibiyati xodimlarining (24 nafar xodim) oylik ish haqining ellik foizi miqdorida rag‘batlantirish nazarda tutilgan. Shuningdek, mazkur Farmoyishning ustama foiz hisobida ustuniga 100 foiz miqdori belgilangan.
Ushbu farmoyishning 1-bandida Navoiy shahar hokimining investitsiyalar, innovatsiyalar, hususiylashtirilgan korxonalarga ko‘maklashish, kichik sanoat zonalari hamda turizmni rivojlantirish masalalari bo‘yicha o‘rinbosari Djonuzoqov Shuxrat Kuvandikovichga hamda farmoyishning 6-bandida Navoiy shahar hokimining ma’naviy ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi Raxmonov Farxod Fozilovichga ustama foiz hisobida
100 % miqdorda rag‘batlantirilishi ko‘rsatilgan.
O‘zbekiston Respublikasi Mehnat kodeksining 180-moddaga ko‘ra, ishdagi yutuqlar uchun xodimga nisbatan rag‘batlantirish choralari qo‘llanilishi mumkin. Rag‘batlantirish turlari, ularni qo‘llanish tartibi, afzallik va imtiyozlar berish jamoa shartnomalari, ichki mehnat tartibi qoidalari va boshqa lokal hujjatlarda, jamoa kelishuvlarida, intizom to‘g‘risidagi ustav va nizomlarda belgilab qo‘yiladi.
Ish haqi, mukofotlar, qo‘shimcha to‘lovlar, ustamalar va mehnat haqi tizimida nazarda tutilgan boshqa to‘lovlar rag‘batlantirish turlariga kirmaydi.
Intizomiy jazo amal qilib turgan muddat mobaynida (183-modda) xodimga nisbatan rag‘batlantirish choralari qo‘llanilmaydi.
Ushbu asosga ko‘ra, Navoiy shahar hokimining investitsiyalar, innovatsiyalar, hususiylashtirilgan korxonalarga ko‘maklashish, kichik sanoat zonalari hamda turizmni rivojlantirish masalalari bo‘yicha o‘rinbosari Djonuzoqov Shuxrat Kuvandikovichga Navoiy shahar hokimining 2022 yil 4 iyuldagi “Rag‘batlantirish to‘g‘risida”gi 112-5-79-F/22-sonli Farmoyishi bilan ish haqining ellik foiz miqdorida (ustama foiz hisobida 100 %) mukofot tartibida to‘langanligi ma’lum bo‘ldi. Shu sababli, Sh.Djonuzoqovga to‘langan mazkur mukofot to‘lovining amalga oshirilganganligi mehnat qonunchiligi talablariga zid emas. Biroq, farmoyishning nomlanishidagi va mazmunida rag‘batlantirish jumlalari mehnat qonunchiligi talablariga zid hisoblanadi.
Shuningdek, Farmoyishning 6-bandiga ko‘ra Navoiy shahar hokimining ma’naviy ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi Raxmonov Farxod Fozilovichning rag‘batlantirilganligida mehnat qonunchiligi buzilishi aniqlanmaganligi ma’lum qilinadi.