Bandlik va mehnat munosabatlari vazirligi navoiy viloyat bandlik bosh boshqarmasi

Bandlik bosh boshqarmasi
Davlat mehnat inspeksiyasi boshlig‘i D.A.Usmonov


ijrochi: N.I.Jo‘rayev
tel: [phone]

Navoiy shahri hokimligida «Kecha jazolagan bo‘lsak, bugun rag‘batlantiramiz» tamoyili

Navoiy shahar hokimining 2022 yil 13 iyundagi 96-5-78-G‘/22-sonli Farmoyish bilan Navoiy shahar hokimining investitsiyalar, innovatsiyalar, hususiylashtirilgan korxonalarga ko‘maklashish, kichik sanoat zonalari hamda turizmni rivojlantirish masalalari bo‘yicha o‘rinbosari Djonuzoqov Shuxrat Kuvandikovichga O‘zbekiston Respublikasi MK 181-moddasining 1-bandiga “hayfsan” intizomiy jazo chorasi qo‘llanilgan.
Amaldagi Mehnat kodeksining 180-moddasida intizomiy jazo amal qilib turgan muddat mobaynida xodimga nisbatan rag‘batlantirish choralari qo‘llanilmasligi belgilangan.
Rag‘batlantirish to‘lovlar tizimiga xodimning mehnat vazifalarini belgilangan darajada bajarganligi uchun oylik ustamalar, ishdagi yuqori natijalari uchun to‘lanadigan bir martalik to‘lovlar, alohida xizmatlari uchun to‘lanadigan qo‘shimcha to‘lovlar, davlat mukofotlariga taqdim etish, tashakkurnoma, pul mukofoti bilan taqdirlash, qimmatbaho sovg‘alar bilan mukofotlash va ishdagi boshqa yutuqlari uchun to‘lovlar kiritilishi mumkin.
Biroq, shahar hokimining 2022 yil 7 iyuldagi 112-5-79-G‘/22-sonli 2022 yil II choragi yakuni bo‘yicha quyidagi Navoiy shahar hokimligi, shahar Kengashi kotibiyati xodimlarining oylik ish haqining ellik foizi miqdorida rag‘batlantirish farmoyishi bilan bilan 25 kun ilgari intizomiy jazoga tortilgan Sh.Djonuzoqov ham qonunga zid ravishda 100 foiz ustama foiz miqdorida rag‘batlantirilgan.
Bundan tashqari, ushbu farmoyish bilan ishga qabul qilinganiga 3 oydan to‘lmagan ayrim xodim (F.Raxmonov) lar ham rag‘batlantirilgani, farmoyishda xodimlar oylik ish haqining ellik foizi miqdoridami yoki 100 foiz ustama foiz hisobida rag‘batlantirilganligi so‘roq ostida qolmoqda.