Baliqlarning ichki tuzilishi

"5"— «Ofarin».
"4"— «Barakalla».
"3"— «Izlanuvchan».
Psixologik iqlim yaratish uchun o'quvchilar bilan "Atamalar zanjiri" o'yini o'ynaladi. Bunda guruhlar navbat bilan atamalarni aytadi, keyingi guruh izohlaydi.
Masalan:
Ikki xil jinsga ega bo'lgan organizmlar — germafrodit organizmlar deyiladi.
Ayrim kapalaklarning erkagi urg'ochisining hidini 11 km masofadan sezgan va uchib kelgan.
Termitlar — jamoa bo'lib yashovchi hashoratlar.
II. O'tilgan mavzuni mustahkamlash (10 daqiqa):

o'quvchilarga tarqatma savollar beriladi, har bir tarqatma ikkitadan savoldan iborat.

1. Zog'ora baliqni qayerlarda uchratish mumkin?
2. Baliqning terisi nima bilan qoplangan?
3. Zog'ora va boshqa baliqlarning tanasi qanday shaklda bo'ladi?
4. Baliqlar tanasi rangi nimaga bog'liq?
5. Baliqning dumi qanday vazifani bajaradi?
6. Zog'ora balig'ining uzunligi va og'irligi?
7. Zog'ora baliq skeleti asosini tana bo'ylab o'tadigan nima tashkil etadi?
8. Baliqning yoshini qanday bilish mumkin?
9. Baliqning orqa miyasi qayerda joylashgan?
10. Bosh skeleti qanday suyaklardan iborat?
11. Baliqning qaysi muskullari kuchli rivojlangan?
12. Baliqning muayyan chuqurlikda muallaq turishi nimaga bog'liq?
Biologik diktant
Tushirib qoldirilgan so'zlarni o'z o'rniga qo'yish orqali biologik diktantda o'quvchilar bilimi aniqlanadi. Har bir guruhga to'rtta gapdan iborat kichik mavzu beriladi.
Tezkor savollar:
1. Zog'ora baliqning tanasi qanday shaklda? (Suyri)
2. Baliqlarning qaysi suzgichlari toq bo'ladi? (Orqa, dum, anal)
3. Baliqlarning juft suzgichlari? (Ko'krak, qorin)
4. Baliqlarning qorin va orqa tomonining rangi? (Oqish, balchiq rangida, ya'ni to'q yashil)
5. Baliqning boshi tana bilan qanday qo'shilgan? (Harakatsiz)
6. Baliqning suzgich pufagi nima bilan to'lgan? (Gaz)
III. Yangi mavzu bayoni (15 daqiqa).
Baliqlarning ichki tuzilishi haqida darslik va qo'shimcha adabiyotlardan foydalanqan holda yangi mavzu bayon etiladi.