Baliqdan tayyorlanadigan taomlar turlari va tayyorlash jarayoni, kimyoviy tarkibi va to‘yimliligi

Xamirga botirib qovurilgan baliq. Baliq sof filesidan to‘rt burchakli to‘g‘ri kesib, marinovka qilib, tayyorlangandan so‘ng, har bir bulagi ayriga yoki pazan­dalik ignasi bilan olinib, suyuq xamirga (klyarga) botiriladi va qizib turgan ko‘p yog‘ga solinib, 3-4 daqiqa davomida qovurib iste’molga tayyor holga kelti­riladi. Xamirga botirilgan baliq yog‘ yuziga suzib chiqib sarg‘ish qobiq hosil qilgandan so‘ng suzib olinib, yog‘i silkitiladi.
Tarqatishda tayyor baliq bo‘lakchalari porsiyasiga 6-8 dona xisobida qog‘oz sochiqcha yoyilgan lagancha yoki likopchaga piramida shaklida ustma-ust terilib, yoniga shu holda terilgan ko‘p yog‘da qovurilgan kartoshka qo‘yiladi va limon parragi, ko‘kat bilan bezaladi. Aloxida idishda tomatli oq yoki kornishonli mayonez sardagi beriladi. Baliqda yog‘da qovurilgan kartoshka ham qo‘shib berish mumkin. Ba’zi hollarda baliqni kubik shaklida kesib tayyorlanadi.
Doncha zrazi. Shakl berib tayyorlangan qovurishga tayyor mahsulot qizib turgan ko‘p yog‘ga solinib, qizg‘ish qobiq hosil bo‘lguncha qovuriladi va tovaga solib, qovurish shkafida iste’molga tayyor holga keltiriladi.

Tarqatishda likopcha yoki laganchaga garnir sifatida qovurilgan kartoshka, kartoshka pyuresi yoki dimlab pishirilgan sabzavot, donador grechixa bo‘tqasi yoki 3-4 xil sabzavot aralashmasidan tashkil topgan murakkab sabzavot garniri solinib, yoniga 1 yoki 2 bo‘lak quyib yoki alohida tomatli oq sardak quyib beriladi. Taom ko‘kat va qo‘shimcha garnir bilan bezaladi.