Baliq kasalliklari fanidan ma’ruzalar to’plami termiz- 2021

Baliq krustatsiozlari va ularni qo’zg’atuvchilari. Baliq krustatsiozlarini parazit qisqichbaqasimonlar keltirib chiqaradi. Qisqichbaqasimonlar bo’g’imoyoqlilar tipi (Arthropoda) Qisqichbaqasimonlar- (Crustacea) sinfiga kiradi. Baliqlarda qisqichbaqasimonlar keltitradigan kasalliklar krustatsiozlar deyiladi. Qisqichbaqasimonlarning 3 ta avlod vakillari baliqlarda parazitlik qiladi. Baliq krustatsiozlariga lernioz, argulyoz va boshqalar kiradi.

Lerneoz. Lerneoz kasalini qo’zg’atuvchisi-Lernaea cyprinacea. Lernaea cyprinacea kurakoyoqli qisqichbaqasimon – Copepoda turkumiga, Lernea – Lernaea avlodiga kiradi.

Kurakoyoqli qisqichbaqasimon-parazitlarning uzunligi 1-2 sm. Bosh qismida o’simtalari bor, shu o’simtalari bilan baliq terisiga yopishadi. Asosan karas, karp oq amur, buffalo kasallanadi. Lernaea cyprinacea lichinkalari baliqlarning terisida va jabrasida uchraydi.

Argulyoz. Kasallik qo’zg’atuvchisi- Argulus foliaceus. Argulus foliaceus Copepoda turkumi, Argulus – Argulus avlodiga kiradi. Baliq argulyozi yoki baliq biti ham deyiladi. Baliq argulyozi yoki baliq biti- uzunligi 8 mm, tanasi oval shaklida, qalqon bilan qoplangan. Issiqsevar parazit bo’lib, karp baliqlarini nobud qiladi. Baliq qoni bilan oziqlanadi. Jarohatlangan joydan baliq tanasiga infektsiya kiradi. Toksinlari mayda baliqchalarni o’ldiradi.

Profilaktikasi. Hovuz melioratsiyasini amalga oshirish (quritish, ohaklash). Zararlangan baliqlar antiparazitar vanna orqali (kaliy permaganat eritmasi 1:50 000 va 1: 100000 xar 1-2 soat davomida) yuviladi. Suv tubida (vanna) tushgan parazitlar yo’qoladi.

13.