Baktria press

134
ЎЗБЕКИСТОН РЕСПУБЛИКАСИДА ДАВЛАТ ХИЗМАТИНИ ИСЛОҲ ЭТИШНИНГ ҲУҚУҚИЙ АСОСЛАРИ
фуқаро давлат органлари, муассасалари, жамоат бирлашмалари, фуқароларнинг ўзини-ўзи бошқариш органлари 
ёки мансабдор шахсларнинг ғайриқонуний хатти-ҳаракатларидан норози бўлганда, ҳуқуқлари ёки эркинликлари 
бузилганда, судга шикоят билан мурожаат қилиш ҳуқуқига эга эканлиги белгиланди (1-модда).
Суд-ҳуқуқ соҳасида олиб борилган ислоҳотларни янада чуқурлаштириш, ижро органлари хатти-ҳаракат(қарор)лари 
устидан суд назоратининг самарадорлигини ошириш, шунингдек, фуқароларнинг ҳуқуқ ва эркинликларини таъминлаш 
мақсадида фикримизча, маъмурий қонунчиликни янада такомиллаштириш ва Ўзбекистон Республикаси 
маъмурий 
судларининг 
мустақил тизимини ташкил қилиш ҳозирги куннинг муҳим масалалардан бири ҳисобланади.
Савол туғилиши мумкин: давлатимизда маъмурий судлар мавжуд эмасми? Маъмурий ишлар ким томонидан кўриб 
чиқилмоқда? 
Давлатимизда ҳозирги кунда маъмурий юстициянинг умумий судлов шакли мавжуд, бироқ маъмурий-ҳуқуқий низолар 
фуқаролик ёки хўжалик судлари томонидан кўриб чиқилади. 
Хусусан, “Судлар тўғрисида”ги Ўзбекистон Республикаси Қонунининг 36-моддасида жиноят ишлари бўйича туман 
(шаҳар) суди таркибида маъмурий ишлар бўйича судьялар бўлиши кўрсатилган. Бироқ, ҳозирги кунда фуқаролик 
ишлари бўйича судлар қонун билан уларнинг ваколатлари доирасига берилган фуқаролик ишлари билан биргаликда 
маъмурий ҳуқуқбузарликлар тўғрисидаги ишларни кўриб чиқиши, жиноят ишлари бўйича судлар қонун билан уларнинг 
ваколатлари доирасига берилган жиноят ишларини ва маъмурий ҳуқуқбузарликлар тўғрисидаги ишларни кўриб чиқиши 
кўрсатилган
4
. Яъни, амалиётда маъмурий ҳуқуқбузарлик тўғрисидаги ишлар алоҳида маъмурий ишлар бўйича судьялар 
томонидан эмас, балки фуқаролик, жиноят ва айрим ҳолларда хўжалик судлари томонидан кўриб чиқилмоқда. 
Шунингдек, амалдаги қонунчилигимизда фуқароларнинг ҳуқуқлари ва эркинликларини бузадиган хатти-ҳаракатлар 
ва қарорлар устидан судларга мурожаат қилиш билан боғлиқ қонун ҳужжатларида фикримизча айрим ноаниқликлар 
ва тушунмовчиликлар мавжуд.