Baktria press

“кучли 
давлатдан кучли фуқаролик жамияти сари”
тамойили ҳаётга муваффақиятли жорий этилмоқда.
Ўзбекистоннинг ўз тараққиёт йўли ҳисобланмиш 
“ўзбек модели” 
Ўзбекистоннинг жаҳон ҳамжамиятига қўшилиши, 
мустақилликни мустаҳкамлаши, иқтисодий ва сиёсий мустақилликни мустаҳкамлашда самарали роль ўйнади. 
Босқичма-босқич амалга оширилган ислоҳотлар жамият ва фуқаролар сиёсий онги ўсиши билан бирга ҳамоҳанг 
тарзда олиб борилди. Эндиги асосий масала эса мамлакатда амалга оширилаётган ислоҳотларни янада 
чуқурлаштириш ҳисобланади.
Президент И. Каримов
 
таъбири билан айтганда 
“Бизнинг асосий узоқ муддатли ва стратегик вазифамиз аввал-
гича қолади – бу демократик давлат, фуқаролик жамияти қуриш жараёнлари ва бозор иcлоҳотларини янада 
чуқурлаштириш, одамлар онгида демократик қадриятларни мустаҳкамлаш йўлидан оғишмай, изчил ва қатъият 
билан боришдир” 
1
.
Шундан келиб чиқиб, мамлакатда демократик қадриятларни қарор топтириш, давлат бошқарувини янада ислоҳ 
қилишда давлат ва жамият бошқарувида фуқаролар ва фуқаролик жамияти институтларининг фаоллигини янада 
ошириш, давлат хизматини такомиллаштириш, давлат ҳокимияти ва бошқаруви органлари фаолиятининг очиқлигини 
таъминлаш, улар мансабдор шахсларининг масъулияти ва ҳисобдорлигини оширишни талаб этади. 
Амалга оширилаётган ислоҳотларнинг муваффақияти эса давлат ҳокимияти ва бошқаруви органлари томонидан 
уларнинг нечоғлик рўёбга чиқарилаётганлигига боғлиқ бўлиб, буни уларнинг фаолиятини мониторинг қилиш ва 
уларга холисона баҳо бериш орқали аниқлаш мумкин бўлади. 
Давлат органлари фаолиятини баҳолашда фуқаролар иштироки, давлат хизматларидан қониқиш ва ўзаро ишонч 
масалалари Г.Грег 
2
, давлат органлари фаолиятини баҳолашнинг мезонларини ишлаб чиқиш, ахборот тўплаш ва 
истиқболда эришилиши лозим бўлган кўрсаткичларни белгилаш масалалари П.Харри томонидан тадқиқ қилинган. 
1 
Каримов И.А. Ўзбек халқи ҳеч қачон, ҳеч кимга қарам бўлмайди. Т.13 – Т.: Ўзбекистон, 2005, 177-бет.
2 
Pieces of a Puzzle: Linking Government Performance, Citizen Satisfaction, and Trust, Gregg G. Van Ryzin, Public Performance & Management Review, Vol. 30, No. 4 (Jun., 2007), pp. 521-535.

---