Baktria press

74
ЎЗБЕКИСТОН РЕСПУБЛИКАСИДА ДАВЛАТ ХИЗМАТИНИ ИСЛОҲ ЭТИШНИНГ ҲУҚУҚИЙ АСОСЛАРИ
Ўзбекистон Республикасида ижро ҳокимияти органлари фаолиятининг очиқлиги ва шаффофлиги ўрнатилган 
ваколатларнинг амалга оширилишида самарадорлик кўрсаткичи ҳамда ижро ҳокимияти органлари билан фуқаролар 
ўртасидаги доимий ва сифатли алоқани амалга оширишнинг муҳим элементидир. Маҳаллий ижро ҳокимиятининг 
масъуллиги ва вакиллик органлари олдидаги ҳисобдорлиги янги тартибларни ишлашни тақозо этади. Эҳтимол, бу 
қабул қилинаётган ўзгартиришлар, навбатдаги ислоҳотларнинг изчил давоми Ўзбекистон Республикаси “Давлат 
хизмати тўғрисида”ги Қонуннинг қабул қилинишига асос бўлади. Шунингдек, Ўзбекистонда фаолият юритаётган 
сиёсий партияларнинг маҳаллий даражадаги нуфузини кўтариш, маҳаллий халқ депутатлари Кенгашлари ишида 
улар фаолиятини жонлантириш, сиёсий партияларга нисбатан маҳаллий аҳолининг ишончини ошириш долзарб 
вазифадир. 
Давлатимиз раҳбарининг Ўзбекистон Республикаси Конституцияси қабул қилинганининг 21 йиллигига бағишланган 
тантанали маросимдаги маърузасида таъкидланганидек, “...кўппартияли тизимни мустаҳкамлаш ва партиялараро 
рақобатни кучайтириш – биз кўзлаган демократик давлат барпо этишнинг энг муҳим шартларидан бирига айланиши 
даркор.
Биз бу ўринда ўз низомига ва жамият олдида турган муаммоларни ҳал қилиш борасида ўз нуқтаи назари аниқ ифода 
этилган ҳаракат дастурига эга бўлган сиёсий партияларни кўзда тутамиз”
3
.
Бунда, сиёсий партияларнинг давлат ва жамият ҳаётидаги иштироки фаоллашиб бориши долзарб аҳамият касб 
этмоқда. Мазкур механизмнинг негизини эса биз маҳаллий халқ депутатлари Кенгашларида депутатлик гуруҳларининг 
фаол иштирокини назарда тутамиз.
Президентимиз томонидан илгари сурилган “ўзбек модели”нинг моҳияти сиёсий тизимни либераллаштириш ва 
модернизациялаш даврида ислоҳотларнинг босқичма-босқичлигига асосланади. Бугунги кунда ҳақиқий демократия 
дарсхонаси мамлакатимизда олиб борилаётган сиёсатнинг халқчиллигидан далолат беради. Айни пайтда 
Ўзбекистонда амалга оширилаётган “кучли давлатдан – кучли фуқаролик жамияти сари” тамойилининг амалий 
ифодаси бўлиб, мамлакатимизни янгилаш ва демократлаштириш, фуқароларнинг онгу тафаккурини замонавий 
асосда шакллантиришга хизмат қилмоқда.
3 
Каримов И.А. Амалга ошираётган ислоҳотларимизни янада чуқурлаштириш ва фуқаролик жамияти қуриш – ёруғ келажагимизнинг асосий омилидир/Ўзбекистон Республикаси Конституцияси қабул 
қилинганининг 21 йиллигига бағишланган тантанали маросимдаги маъруза// Халқ сўзи. 2013 йил 7 декабрь.

---

75
АЛОҲИДА СОҲАЛАРДА ДАВЛАТ ХИЗМАТИНИ ТАРТИБГА СОЛИШНИНГ ХУСУСИЯТЛАРИ
Мониторинг ва баҳолаш давлат 
хизматини такомиллаштириш 
омили сифатида
Давлат бошқаруви академияси 2-курс магистранти Б. Турдиев 
Ў
збекистонда юрт тинчлиги, ватан тараққиёти ва халқ фаровонлигига эришиш йўлида кенг кўламли ижтимоий-
иқтисодий, сиёсий-ҳуқуқий янгиланиш стратегияси босқичма-босқич, изчил амалга ошириб келинмоқда. 
Мамлакатда давлат ва жамият қурилиши тизими бир маромда илдам қадамлар билан ривожланиб,