Bakteriologik og’itlar va ularning qo’lanilishi

Organik mahsulotlar va xomashyolarni ishlab chiqaruvchilar reyestrini shakllantirish hamda yuritish tartibi

4. Subyektlarga doir ma’lumotlar bazasini reyestrda ro‘yxatdan o‘tkazish ushbu Nizomga 1-ilovaga muvofiq sxema asosida amalga oshiriladi.

5. Subyektlarga doir ma’lumotlar ushbu Nizomga 2-ilovaga muvofiq tartibda shakllantiriladi.

6. Reyestrni shakllantirish, unga tegishli o‘zgartirish va qo‘shimchalar kiritish hamda ro‘yxatdan chiqarish ishchi guruh tomonidan amalga oshiriladi.

7. Ishchi guruh besh kishidan iborat tarkibda shakllantiriladi va uning tarkibi O‘zbekiston Respublikasi Qishloq xo‘jaligi vazirligi tomonidan tasdiqlanadi.

8. Ishchi guruh tarkibiga tegishli vazirliklar va idoralarning vakillari ham o‘zaro kelishuvga asosan kiritilishi mumkin.

9. Ishchi guruh tomonidan subyektlarga doir ma’lumotlarni reyestrda ro‘yxatdan o‘tkazish besh ish kunida amalga oshiriladi.

10. Subyektlarga doir ma’lumotlar ishchi guruhning besh nafar a’zosidan kamida uch nafari tomonidan ma’qullangan taqdirda yurituvchi tomonidan reyestrda ro‘yxatdan o‘tkaziladi.

11. Bunda ushbu ma’lumotlar ikki ish kunida O‘zbekiston Respublikasi Qishloq xo‘jaligi vazirligining rasmiy veb-saytida (www.agro.uz) e’lon qilinadi.

12. Investitsiyalar va tashqi savdo vazirligi huzuridagi Eksportni rag‘barlantirish agentligi har oy yakuni bilan organik mahsulotlar va xomashyolarni ishlab chiqaruvchilarga taqdim etilgan muvofiqlik sertifikatlari to‘g‘risida ma’lumotlarni Qishloq xo‘jaligi vazirligiga taqdim etib boradi.

13. Subyektlarga doir ma’lumotlar bazasini yurituvchi reyestrda ro‘yxatdan o‘tkazishda ma’lumotlarning to‘liqligini ta’minlash maqsadida subyektlarga doir qo‘shimcha ma’lumotlarni operatordan so‘rab olish mumkin.

14. Ushbu Nizomga 2-ilovada keltirilgan ma’lumotlarning to‘liq taqdim etilmasligi organik subyektlarga doir ma’lumotlarni reyestrga kiritish va ro‘yxatdan o‘tkazishni rad etish uchun asos bo‘ladi.

15. Subyektlarga doir ma’lumotlar bazasini yurituvchi subyektlarga doir ma’lumotlarni reyestrda ro‘yxatdan o‘tkazishni rad etish bo‘yicha qabul qilingan qaror nusxasi operatorga elektron tarzda yuborilishini ta’minlaydi.

16. Subyektlarga doir ma’lumotlarni reyestrda ro‘yxatdan o‘tkazishni rad etishning asoslari bartaraf etilgan taqdirda, operator ushbu ma’lumotlarni reyestrda ro‘yxatdan o‘tkazish uchun subyektlarga doir ma’lumotlar bazasini yurituvchiga qaytadan topshirish huquqiga ega.