Бактериал оксидланиш ва танлаб эритиш жараёнининг

Бунда кислороднинг суюқ фазага абсорбциялиниши танлаб эритиш жараёни кечишининг асосий факторига айланади. Олтинмишьякли айрим бойитмаларнинг танлаб эритишда, бактериал эритмадаги кислородга нисбатан ҳар бир ҳажм бўтанага 3-4 баробар кўп кислород ютилади. Пачукларда танлаб эритиш натижасида бўтанадаги биомасса миқдори 10⁸-10⁹ хуж/мл бўлганда, бир ҳажм бўтанага минутига 1-2 ҳажм ҳаво сарфланиши кузатилади. Бунда кислороднинг бўтанадаги миқдори 4 г/л дан кам бўлмайди. Олимпиада конининг олтинмишьякли концентратни бактериал танлаб эритишида ҳавонинг ҳар бир минутдаги сарфи 0,6 м³ - 1 м³ бўтанага тенг бўлди, айрим чет элдаги ускуналарда эса 0,25-0,30 м³ - 1 м³ бўтанага тенг бўлганлиги кўрсатилган. Мис-рухли маҳсулотларнинг танлаб эритишда кислороднинг қолдиқ миқдори 1,6 мг/л дан кам эмаслиги аниқланган.
Микроорганизмларнинг фаоллигини ошириш учун ва оксидланиш жараёнларини интенсивлаш учун бериладиган ҳаво аралашмасидаги СО₂ миқдорини 0,1-0,15% фоиз чегарасида ушлаб туриш тавсия этилган. Бунда микроорганизмлар фаоллиги 35% фоизга ўсганлиги кузатилган.
Аэрация усули билан бериладиган ҳавонинг фаоллигини ошириш мақсадида ва ундаги кислород миқдорини ошириш учун, танлаб эритидиган бўтанага иложи бўлса қўшимча фаол оксидловчи – озон берилса, унинг парчаланиши натижасида атомар ва молекуляр ҳолидаги кислород ҳосил бўлади. Озон-ҳаво аралашмаси берилганда, унда 0,01-0,02% гача миқдордагина озон бўлиши, темирнинг бактериал оксидланишини 20-60 баробарга ўсишига олиб келади. Сульфидларнинг оксидланиш тезлиги ҳам сезиларли даражада ортади.