Bakalavrlari uchun o‘qiladigan birinchi maxsus kursdir

Ekspeditsiya usulida
ma‘lum hududdagi nisbatan kam o‘rganilgan yoki 
umuman o`rganilmagan suv obyektlari to‘g‘ridan to‘g‘ri dala sharoitida umumiy 
tarzda yoki aniq bir yo‘nalishdagi maqsadni ko‘zlab tadqiq etiladi. Bu usulda 
bajarilishi zarur bo‘lgan gidroloik o`lchov va kuzatuv ishlari majmui 
ekspeditsiya oldiga qo`yilgan vazifalarga bog‘liq holda oldindan tuzilgan 
dasturda batafsil ko`rsatilgan bo‘ladi. Ekspeditsiya sharoitida asosan makonda 
keng miqyosda o‘zgaruvchan, lekin vaqt bo‘yicha kam o‘zgaradigan gidrologik 
hodisa va jarayonlar tadqiq qilinadi. 
O‘rganilayotgan hududning gidrologik tarmoqlarida nisbatan qisqa 
muddatda (bir necha oylardan to bir-ikki va ba‘zan undan ham ko‘p yillarda) 
o‘lchov va kuzatuv ishlari bajarilib, kerakli ma'lumotlar t‘oplanadi. 
Izlanishlar natijasida to‘plangan barcha ma‘lumotlar ekspeditsiya 
hisobotida umumlashtiriladi va ulardan tegishli hulosalar chiqariladi. Bu 
xulosalar asosida hududning suv zahiralaridan xalq xo`jaligida foydalanish 
bo`yicha amaliy tavsiyalar ham beriladi. 
Respublikamizda har yili Boshgidromet, Qishloq va suv xo‘jaligi 
vazirligi, Fanlar Akademiyasi va boshqa suv bilan bog‘liq bo‘lgan muassasalar 
tizimlarida bir qancha maxsus ekspeditsiyalar tashkil etilib, ularning har biri 
o‘zlarining ma‘lum maqsad va vazifalariga ega bo‘ladi.