Бажарди: М9-20 гуруҳ магистранти Ганиева Г. Ф қабул қилди: PhD. Кенжаев М

Қоратоғ фосфоритидан олинган кукун ҳолидаги суперфосфат таркиби қуйидагича: 27,5% Р205, 6,6% СО2, 2,5% R2О3. Саноатда суперфосфат ишлаб чиқариш учун 68% ли сульфат кислота ишлатилади, хом ашёни парчаланиши 64 соат ичида 90% ни ташкил этади. Ҳосил бўлган маҳсулот омборда етилтирилади (2 - 3 ҳафта давомида). Етилтирилиш давомида ажралиб чиққан водород фторид гази тутиб қолинади ва у қайта ишлашга жўнатилади.

Ишлаб чиқариш технологияси Суперфосфат ишлаб чиқариш қуйидаги жараёнларни ўз ичига олади: -сульфат кислота ва фосфат хом ашё омбори; -операция бўлими, яъни фосфатлар сульфат кислота билан парчаланади (фторидли газлардан тозаланади); - суперфосфат омбори. Аппатит концентрати вагонлардан туширилади. Сўнгра сарф бункери ва дозатор бункерига юборилади. У ерда сульфат кислота сув билан аралаштирилади, бунда аралашма концентрацияси кислотанинг зичлиги орқали ўлчаб турилади.

Аппатитни сульфат кислота билан вертикал уч ёки тўрт камерали аралаштиргич ёрдамида 5-7 минут аралаштирилади. Сўнгра суспензия суперфосфат камерасига оқиб ўтади. Камера 1 - 2 соат ичида бир марта айланади. Камерада фрезер (кесгич) ўрнатилган бўлиб, 5-25мм қалинликда кесади. Кесилган суперфосфат транспортёр орқали омборга юборилади. Камеранинг диаметри D = 7,1м; баландлиги Н = 2,9 м; айланишлар сони 80 - 90 айл/мин; унумдорлиги 40 - 50 т/соат. Реакция натижасида ажралган газлар камера қопқоғидаги тешик орқали абсорбция системасига юборилади. Омборга суперфосфатни беришдан олдин совутилади.

Совутиш горизонтал барабанда амалга оширилади. Бунда куракчалар ёрдамида майда бўлакларга бўлинади ва 70-80°С ҳароратдан 30-60оС ҳароратгача совутилади. Суперфосфат омборда бир жойдан иккинчи жойга кран ёрдамида олинади ва етилтирилади. Етилтириш учун 2-3 ҳафта керак бўлади. Унумдорлиги 1000 – 3000т/кун. 1т кукун ҳолдаги суперфосфат олиш учун 0,53 - 0,55 тонна аппатит концентранти ва 0,37 – 0,38 тонна сульфат кислота (100%) сарфланади.Қуйида (расм 2) донадор ҳолидаги суперфосфат ишлаб чиқаришнинг технологик тасвири баёни билан келтирилган.Ҳозирги пайтда суперфосфат донадор ҳолда ишлаб чиқарилмоқда.