|
KIRISH
Baholash faoliyatining maqsadi, mazmun - mohiyati, sub'yekti va ob'yekt
Baholash faoliyati metodologiyasi, yondashuvlari va usullari
Baholash faoliyatini yanada takomillashtirish masalalari
XULOSA
FOYDALANILGAN ADABIYOTLAR RO'YXATI
KIRISH
Kurs ishining dolzarbligi. Mamlakatimizda mustaqillikka erishganimizdan keyin juda ko'p sohalar jadal sur'atlar bilan rivojlanib kelmoqda. Shular singari baholash faoliyati ham alohida ahamiyat kasb etmoqda. Bu esa kuzatilishi mumkin bo'lgan moliyaviy-iqtisodiy inqiroz sharoitida yana ham muhimdir. Baholash faoliyatiga berilayotgan e'tibor kundan-kundan yuksalmoqda desak aslo mubolag'a bo'lmaydi. Uni rivojlantirish uchun qonunlar va turli xil me'yoriy-huquqiy hujjatlarni ishlab chiqilayotganligi buning yaqqol dalilidir.
Keyingi yillarda Respublikamizda baholash faoliyati aniq va jiddiy natijalarga erishdi. Mamlakatimizdagi amaliyotning joriy ahvoli va istiqbollari tahlili yaqin yillarda baholash faoliyatining sifati yanada yaxshilanishini ko'rsatmoqda.
Iqtisodiyotimizning deyarli barcha tarmoqlari modernizatsiya qilinib, amalda texnologik jihatdan yangilanmoqda. 2020-yilda bozor xizmatlari ko'rsatish hajmi 15,7 foizga o'sdi, ularning yalpi ichki mahsulot tarkibidagi ulushi esa 53 foizdan 54 foizga oshdi. Bugungi kunda iqtisodiyotda band bo'lgan aholining 50 foizdan ortig'i ushbu tarmoqda mehnat qilmoqda. Har yili yaratilayotgan yangi ish o'rinlarining, avvalambor, kasb-hunar kollejlari bitiruvchilari uchun tashqil etilayotgan ish o'rinlarining uchdan bir qismidan ko'prog'i aynan mazkur soha hissasiga to'g'ri kelmoqda.
Quvonarlisi shundaki ushbu ko'rsatilgan xizmatlar ichida baholash xizmati ham alohida ahamiyatga ega.
Shu munosabat bilan yangi hayotiy voqelikni aks ettiradigan va Respublikadagi butun baholash faoliyati tizimini keng qamrovli, sifatli tarkibiy isloh etishga qaratilgan dasturiy, me'yoriy va huquqiy hujjatlarni yaratish o'tkir zaruratga aylanmoqda. Baholash faoliyatini rivojlanish darajasini biz bevosita yurtimizda so'nggi yillarda mol-mulkka bo'lgan talabni sezilarli darajada o'sganligi bilan bog'lashimiz mumkin.
2021-yilda iqtisodiyotimizda tub tarkibiy o'zgarishlarni amalga oshirish, modernizatsiya va diversifikatsiya jarayonlarini izchil davom ettirish hisobidan xususiy mulk va xususiy tadbirkorlikka keng yo'l ochib berish - ustuvor vazifamizdir.
O'zbekiston Respublikasida so'nggi yillar mobaynida baholash faoliyatini rivojlantirishning asosiy yo'nalishlari, baholash faoliyatini isloh etish chora- tadbirlari ishlab chiqilmoqda. Bu esa, o'z navbatida, Respublikada iqtisodiy islohotlarni amalga oshirish yuzasidan olib borilayotgan katta ishning bir qismidir.
Kurs ishining ob'yekti. Baholash faoliyatini metodologiyasini tartibga soluvchi O'zbekiston Respublakasi qonuniy-me'yoriy hujjatlari.
Kurs ishining predmeti baholash faoliyatini metodologiyasini o'rganish va tadbiq etish.
Kurs ishining maqsadi O'zbekistonda baholash faoliyatini metodolgiyasini rivojlantirish yo’llarini o’rganish, muvofiqlashtiruvchi muassasalarning faoliyatini tahlil qilish, ularni rivojlanish istiqbollarini zamonaviy tendensiyalarini ko'rib chiqish.
Kurs ishida yuqorida qo'yilgan maqsadga erishish uchun quyidagi vazifalar belgilangan:
- baholash faoliyatining maqsadi, mazmun - mohiyati, sub'yekti va ob'yektlarini ko'rib chiqish;
- baholash faoliyati nazorat qilish va tartibga solishning huquqiy-me'yoriy asoslarini yoritib berish;
- baholash faoliyati jarayonini nazorat qilish va tartibga solishning jahon tajribasini o'rganish;
- iqtisodiy munosabatlar jarayonida baholash yondashuvlari va usullarini tahlil qilish;
- O'zbekistonda baholash faoliyatini nazorat qilish va tartibga solish amaliyotining holatini o'rganish;
- O'zbekistonda baholash faoliyatini nazorat qilish va tartibga solish amaliyotini yanada takomillashtirish masalalarini o'rganib chiqishdan iborat.
Kurs ishining nazariy va amaliy asosi. Kurs ishining nazariy asosini turli iqtisodiy jarayonlar, O'zbekiston Respublikasi qonunlari, O'zbekiston Respublikasi Prezidenti Farmonlari, O'zbekiston Respublikasi Vazirlar Mahkamasining qarorlari, O'zbekiston Respublikasi Prezidenti asarlari va boshqa baholash faoliyatiga bog'liq me'yoriy-huquqiy hujjatlar va yo'riqnomalar, mavjud iqtisodiy adabiyotlar, ilmiy maqolalar, turli xil iqtisodchi olimlarning fikrlari, shuningdek O'zbekiston Respublikasi Prezidenti tomonidan ishlab chiqilgan va amalgam oshirilayotgan tamoyillar va ma'ruzalar kurs ishi yozishdagi uslubiyatning asosini tashqil etadi.
Bitiruv Kurs ishining tuzilishi va hajmi. Kurs ishi kirish, uchta bob, xulosa, foydalanilgan adabiyotlar ro'yxatidan iborat uzviy ketma-ketlik asosida yoritilgan. Kurs ishi 65 betdan iborat bo'lib, 4 ta rasm hamda, 4 ta jadvalni o'z ichiga oladi.
Do'stlaringiz bilan baham: | 
