Баённомаси термиз шаҳри

Термиз давлат университети Табиий фанлар факулътетида ўтказилган “Ёнғин хавфсизлиги чора-тадбирлари”га бағишланган йиғилиши
БАЁННОМАСИ
Термиз шаҳри 08.01.2020 йил
Термиз шаҳар ФВБ мутахассиси катта сержант У.А.Базаров, оддий аскар С.Х.Очилов, Табиий фанлар факультети прфессор-ўқитувчилари, талабалар, ишчи ходимлар.


КУН ТАРТИБИ:
1. Ўзбекистон Республикаси Президентининг 2017 йил 23 май кунидаги ПҚ-2992-сонли қарорлари мазмун моҳиятини тушинтириш.
2. Ўзбекистон Президенти Администациясининг 2019 йил 3 январ кунидаги 11-11-сонли топшириғи, Ўзбекистон Республикаси Вазирлар Махкамасининг 2018 йил 1 ноябрдаги “Ахоли хонадонларида иситиш тизими ва ёқилғи махсулотларида фойдаланишда хавфсизлик талабларига риоя этилишини таминлаш чора-тадбирлари тўғрисида”ги 901 сон қарори ижросини таъминлаш, шунингдек ҳудудидаги маҳаллаларда ва ахоли турар жойларида ҳамда объектларда содир бўлиши мумкин бўлган ёнғинлар, газ ва хаво аралашмасининг чақнаши, фуқароларни ис газидан захарланиши ва нохуш холатларни олдини олиш борасида олиб борилаётган профилактик тадбирларни яънада жонлантириш мақсадида.
3. Табиий фанлар факулътети биносида ёнғин хавфсизлиги бўйича камчиликларни бартараф қилишини.
Кун тартибидаги масала юзасидан Табиий фанлар факулътети декани А.Хуррамов йиғилиш қатнашчиларига Термиз шаҳар ФВБ ходимларини таништириб, сўзни Термиз шаҳар ФВБ мутахассиси катта сержант У.Базаровга берди. У.Базаров ўз сўзида факультет ишчи- ходимларига Президентимизнинг 2017 йил 23 май кунидаги ПҚ-2992-сонли қарори талаблари тўғрисида тушунча бериб, қарорнинг 6-бандида Ҳафтанинг ҳар чоршанба куни “Ёнғинлар профилактикаси куни” деб белгилаб қўйилганлигини, ушбу куни аҳоли, ташкилотлар ва таълим муассасалари ўртасида ёнғин хавфсизлиги чора-тадбирларига риоя этиш тўғрисида кенг тушунтириш ишлари олиб бориш, ёнғинларнинг олдини олиш ва муваффақиятли бартараф этиш тадбирларига жамоатчиликни кенг жалб қилиш, маҳалла фаоллари билан биргаликда уйма-уй юриб, тушунтириш ишларини амалга ошириш, уларнинг якунида ёнғинга қарши ҳолат бўйича аниқланган камчиликларни фуқароларнинг ўзини ўзи бошқариш органларида муҳокама қилиш, барча даражадаги ҳокимлар билан биргаликда содир бўлган йирик ва ўзига хос хусусиятли ёнғинларнинг сабабларини, ёнғин вужудга келишига олиб келган шарт-шароитларни ҳамда тегишли ҳудудлардаги объектларнинг ёнғинга қарши ҳолатини чуқур ва танқидий таҳлил қилишни ташкил этиш, унинг якунида ёнғиннинг олдини олиш ва уни бартараф этиш учун шароитлар яратишга қаратилган “Йўл хариталари”ни ишлаб чиқиш ва тасдиқлаш, ўта муҳим давлат аҳамиятига молик ёки ёнғин ва портлаш хавфи юқори бўлган объектларда ёнғин хавфсизлигини мустаҳкамлаш, уларнинг раҳбарлари билан ёнғин-тактик ўқув ва машғулотлар, тушунтириш ишларини ташкил этиш бўйича чора-тадбирлар комплексини амалга ошириш, оммавий ахборот воситалари, шу жумладан, интернет тармоғида ёнғинлар, уларнинг сабаблари ҳамда ёнғинларнинг олдини олиш ва ёнғин содир бўлганда қандай ҳаракат қилиш тўғрисидаги маълумотларни ёритиш ишлари белгилаб б ерилганлиги тўғрисида тушунча берди.
Шундан сўнг, иккинчи масала юзасидан Ўз.Республикаси Вазирлар Махкамасининг 2018 йил 1 ноябрь кунидаги №901-сонли қарори бўйича тўхталар экан, сўнгги 2 йил давомида вилоятимиз ҳудудида фуқароларнинг ис газидан заҳарланиш ҳолатлари содир бўлаётганлиги, ис газидан заҳарланиш оқибатида фуқароларимиз вафот этаётганлиги, Масалан, Термиз шаҳри, Музработ, Бойсун, Жарқўрғон ва Олтинсой туманларида захарланиш оқибатида вафот этган фуқаролар 1 нафардан тўғри келётганлиги. Заҳарланиш ҳолатларининг 10 таси фуқаролар яшаш уйларида қўлбола усулда ясалган иситиш печларидан фойдаланганликлари оқибатида содир бўлган. Мисол учун, Термиз шаҳар Тиббиёт бирлашмасига қарашли Кўп тармоқли марказий поликлиника қозонхонасида ишчи бўлиб ишлаган 1989 й.т фуқаро Ходжиев Жўрабек Хамраевич иш вақтида қозонхонанинг қўшимча хонасида ис газидан ўткир захарланишдан вафот этган, Термиз тумани “Гулбаҳор” маҳалласида жойлашган “Ангор пахта” АЖга қарашли Гулбаҳор пахта қабул қилиш масканининг ёрдамчи хўжалик биносида фуқаро Н.Эркинов қўлбола иситиш печдан ис гази чиқганлиги оқибатида ўткир заҳарланиб, вафот этган, 1 нафар фуқаро электр токи уриши таъсирида вафот этган. Таҳлилларга кўра, дудбўрон ва шамоллатиш тизимлари белгиланган муддатларда техник кўрикдан ўтказилмаётганлиги, фуқаролар томонидан ностандарт, қўлбола усулида ясалган иситиш ва газ мосламаларидан фойдаланилиши, газлаштириш лойиҳасида кўрсатилган пўлат газ қувурлари ўрнига резина шланглардан фойдаланилиши, фуқароларнинг ўзбошимчалик билан газ тармоқларига ноқонуний уланиб олиниши, кўп қаватли уйлардаги марказлаштирилган иситиш тизимларининг талаб даражасида ёки умуман ишламаслиги оқибатида газ плиталаридан ва бошқа газда ишлайдиган иситиш мосламаларидан фойдаланилиши, кўмир ёқилғисидан ностандарт, қўлбола усулида ясалган иситиш печлардан фойдаланилиши, аҳоли ўртасида газдан оқилона ва бехатар фойдаланиш бўйича оммавий ахборот воситалари орқали тарғибот-ташвиқот ишлари олиб борилаётганлигига қарамасдан Термиз шаҳар ҳудудида 2019 йилнинг ўтган даври мобайнида 35 та ёнғин қайд қилинган, шулардан ёнғинда газ ускуналаридан нотўғри фойдаланиш, оловдан эхтиётсизлик, электр ускуналаридан нотўғри фойдаланиш, болаларнинг олов билан уйнаши, иситиш печларидан нотўғри фойдаланишлари ва бошқа сабаблар натижасида ёнғинлар келиб чиққанлиги, масалан 2019 йил 07 апрель куни вилоят Болалар кўп тармоқли тиббиёт маркази Гематология коридоридага ўрнатилган 380 Вт электр шитида ортиқча юкланиш натижасида ёнғин келиб чиққанлигини, 2019 йилнинг 12 май куни Термиз шаҳар “Фарход” маҳалласи Наврўз кўчаси 9-уйда яшовчи 1973 йилда туғилган фуқаро Ниёзова Матлуба Туробовна яшаш уй орқа томонида чиқиндиларни ёқиб назоратсиз қолдирганлиги сабабли яшаш уйида ёнғин келиб чиққан натижасида моддий ва манавий зарар кўрганлигини, Термиз шаҳар “Гулираъно” маҳалласи Сароймулкхоним кўчаси 2-уйда яшовчи 1960 йилда туғилган фуқаро Турсунова Шодиқизи Исаналиевнанинг яшаш уйи ошхонасида невараси 2009 йилда туғилган Тухтамуродов Озодбек гугурт ўйнаши оқибатида ёнғин келиб чиққан натижасида моддий ва манавий зарар кўрганлигини, бундай холатлар бошқа маҳаллаларда ҳам учраб турганлигини гапириб ўтди.
Йиғилиш якунида учинчи масала бўйича Табиий фанлар факультети биносида ёнғин хавфсизлиги бўйича камчиликларни бартараф қилишини ўрнатилган ички ёнғин ўчириш шкафларидаги ёнғин ўчириш енглари қайта ўровдан ўтказилишини, ёнғин ўчириш ОП-5 русумли воситаларни носозларини соз холатга келтиришини, факулътет биносига ўрнатилган ёнғинни зудликда сезувчи ва хабар берувчи ташвишгох сигнализациялар техник кўрикдан ўтказилишини, факультет ҳудудидаги ёнғинга қарши сув ховузига сув хажмининг табличкалари ишлаб чиқилиши ва бошқа аниқланган камчиликларни тез кунда бартараф қилиш тўғрисида огохлантириб ўтдилар.
Кун тартибидаги масалалар юзасидан,