Badiiy asarlar

Depeshalar-rasmiy telegrammalar

Munday shoshilinch sud urush maydonida bo’lmasa, boshqa joyda bo’lishiga aqlim yetmaydi! (Tilmoch)

Turkiston o’lkasining qaysi bir olis joyida (Zakaspiyda emasmikin?) davlat xazinasining ko’pgina pulini yeb qo’ygan askariy bir to’ra. Ruslardan chiqqa bir “Advokat” (Zakunchi)

Shaharda bo’lsin, uyezdda bo’lsin, uni tanimagan odam yo’q, o’zi yerlilardan. Yerli xalqlardan chiqqan bir “Advokat”. O’rta bo’yli, qopqora tanli arvoh, qotma bir kishi... Qaysi bir sud majlisida “yolg’on guvoh”ga hojat ko’rilsa, u doim tayyor. Uning bu qilmishi hammaga otning qashqasiday ma’lum. Katta-katta qozilar, boylar, obro’lik odamlar u bilan olishib, yer bilan yakson bo’lganlar. (Obrezqora)

Ori rost, yerli xalqning nomlarini yozishda u ham chalasavod bolalarning ishini qiladi, ya’ni “Akbarali” so’zni bir joyda “Umarali”, yana bir joyda “Amir o’g’li”, yana bir joyda “Qambar vali” deb yuboradi. (Tergovchi mahkamaning mirzasi)

Qog’oz betida xuddi poyezdning izlariday tep-tekis ketadi. Hammadan ham “d” va “b” harflarini ko’ring! Qayerda “d” uchrasa, quyrug’I chapga qayrilgan, qayerda “b” uchrasa, quyrug’I o’ngga qayrilgan. Ikkovining ham quyrug’I balandda; ikkovining ham quyrug’I kulcha bo’lgan ilonday buralib-buralib yotadi! (Protakol qog’ozi)

O’zlarining aralashmaganliklarini so’zlab, Zebinisoxondan boshqasi qilmasligini aytdilar. (Guvohlardan mingboshining xotinlari)

Mingboshining boshqa xotinlari ko’nib qolganligini, Zebinisoxon mingboshini ancha xafa qilib yurgan deb, xotin bo’lg’usi kelmay, o’zini kasal qilib yurgan deb, so’nggi vaqtlarda mingboshi bilan umr qilishga ko’ngudek bo’lib, bir necha kun yaxshigina yashagan deb, bular bizning fikrimizcha ko’z bo’yash uchun qilingan ekan, endi bildik qiz o’lgurning g’arazi boshqa ekan dedilar. (Xolis tariqasida so’ralgan guvohlardan qo’ni-qo’shnilar)