Бадиий гимнастика бґйича кичик ёшдаги болалар билан машІулот олиб бориш методикаси

Эрталабки бадантарбия машқларининг намунавий мажмуи қизлар учун (2 расм)
1. Керишиш
Дастлабки ҳолат - Асосий туриш(А.Т). 1- қўллар елкада. 2- оёқ учига чапга бурилган ҳолда, қўлларни тепага кўтариш (нафас олиш). 3- қўллар ёнга, 4- дастлабки ҳолат. 5-8 марта худди шу машқ бошқа томонга қараб бажарилади.
2. Ўтириб туриш
Дастлабки ҳолат- асосий туриш, 1- оёқ учида туриб, қўллар юқорида (нафас олиш). 2-3- ўтириб, қўллар олдинда (мушт ҳолда). 4- дастлабки ҳолат.
3. Энгашишлар (олдинга)
Дастлабки ҳолат - оёқлар тор керилган, қўллар белда. 1- олдинга эгилиб, қўллар ёнда, 2- дастлабки ҳолат, 3- олдинга эгилиб, кафтлар полга теккизилади, 4-дастлабки ҳолат.
4. Ён томонга энгашиш
Дастлабки ҳолат - асосий туриш. 1- чап оёқнинг учи ва қўллар ён томонга. 2-3- икки марта олдинга сакраб энгашиш, ўнг қўл юқорида, чап қўл белда. 4- дастлабки ҳолат. 5-8- худди шу нарса бошқа томонга қараб.
5. Танани айланма ҳаракатлантириш
Дастлабки ҳолат- оёқлар керилган, қўллар юқорида бирлашган ҳолда. 1-4- гавдани чапга айлантириш (оёқлар букилмаган ҳолатда). 5-8- худди шу машқ фақат бошқа томонга қараб.
6. Мувозанатни сақлаш
Дастлабки ҳолат- А.Т. 1-2- ўнг оёқда мувозанатни сақлаш, 3-6- ушлаб туриш, 7-8- дастлабки ҳолат. 9-16- худди шу машқ бошқа оёқ билан.
7. Оёқ билан силкиниш
Дастлабки ҳолат- қўллар белда. 1-чап оёқни олдинга юқорига силташ, 2-Д.Х. 3- ўнг оёқни олдинга юқорига силташ, 4- дастлабки ҳолат. 5-8- худди шу машқ орқага.
8. Қўлларга таяниб ётиш
Дастлабки ҳолат- асосий туриш, 1- таяниб ўтириш. 2- таяниб ётиш. 3- қўлларни букиш, чап оёқ орқада. 4- таяниб ётиш. 5-6- ўнг оёқ чапга, қўллар букилган ва таяниб ётиш. 7- таяниб ўтириш. 8- дастлабки ҳолат.
9. Ўртача тезликда юриш ва югуриш (ёки оёқларда алоҳида, биргаликда турли кўринишда сакраш).
10. Мушакларни бўшаштириш ва нафасни ростлаш учун машқлар
Акробатик машқлар

Акробатик машқлар — бу турли ўқлар атрофидаги айланма ҳаракатлар (умбалоқ ошиш, думалаш, айланишлар, сальто ва ҳ.к.), шунингдек, тиргакнинг ноодатий шароитларида бажариладиган мувозанат машқлари (индивидуал, жуфтлик ва гуруҳ бўлиб). Куч, эпчиллик, эгилувчанлик, реакция тезлиги, майдонга мослашиш, вестибуляр аппаратни тайёрлаш учун турли машқлардан фойдаланилади.

Акробатик машқларни ўрганиш содда машқлардан бошланиб, айни пайтда нисбатан мураккабларига тайёрлаш вазифасини ҳам ўтайди. Ўқувчилар ўқув дастуридаги машқлар техникасининг асосларини билиши ва уларни тўғри бажаришни ўзлаштириши, шунингдек, шерикларига ўқув жараёнида кўмаклашиши, яъни маҳорат билан ёрдам бериши ва хавфсизликни таъминлаши зарур.