B.,А. Ахаtov C++ dasturlash tili. Uslubiy qo’llanma i-qism

4-bob. C++ tilining asosiy operatorlari.

Operator - bu qandaydir amalni bajarish to’g’risida kompilyatorga uzatiladigan literal(buyruq)dir. Operatorlar operandlarga ta’sir qiladi. C++ da operandlar deb alohida literallar va butun ifodalar tushuniladi.

C++ tilida dastur tuzishda yuqorida berilgan qiymat berish (=) operatoridan tashqari bir nechta operatorlar ma’lumotlarni kiritish va chiqarish, tarmoqlanish va takrorlanish operatorlari ham ishlatiladi.

4.1. Ma’lumotlarni kiritish operatori.

Ma’lumki komputerda har qanday o’zgaruvchining qiymati xotiraga kiritladi hamda barcha amallar xotiradagi o’zgaruvchilar ustida bajariladi va natija ham xotirada hosil bo’ladi. Ma’lumotlarni kiritish operatori dasturda o’zgaruvchilarga klaviatura orqali boshlang‘ich qiymatlarni berish uchun ishlatiladi.

Ma’lumotlar cin operatori yordamida kiritiladi. Qiymati kiritiladigan o’zgaruvchilar bu operatordan keyin bir-birlaridan “>>” belgi bilan ajratilgan holda yoziladi. Uning umumiy ko’rinishi quyidagicha: