B.,А. Ахаtov C++ dasturlash tili. Uslubiy qo’llanma i-qism

Samarqand - 2016

So’z boshi
Kadrlar tayyorlashning milliy dasturiga ko’ra o’quv-uslubiy majmualar щamda ta’lim jarayoni didaktik va axborot ta’minotining yangi avlodini ishlab chiqish va joriy etish bosqichida ta’lim mazmunini o’zlashtirishning muammolarini yechishga qaratilgan zamonaviy ta’lim texnologiyalarini yaratish dolzarb muammoga aylangan.

Oliy ta’limda informatika fanini o’qitilishi, bakalavr ta’lim yo’nalishlarida komputer texnologiyalari va dasturiy vositalarini qo’llashga bo’lgan ehtiyoj va talablar, ta’lim tizimida har bir fanning o’qitish mazmunini qayta tahlildan o’tkazish va uni tubdan isloh qilish nuqtai nazaridan yondashuv zarur bo’ladi.

Shu narsa quvonchliki, Respublikamizni mustaqillikka erishuvi natijasida hozirgi kunda barcha o’quvchilar va talabalar zamonaviy kompyuterlardan foydalanish imkoniyatiga ega bo’ldilar. Shu bois ham, "Informatika " fani barcha o’quv yurtlarida o’qitiladigan kompyuter savodxonligi borasidagi uzluksiz dastur tizimiga kiritilgan Davlat ta’lim konsepsiyasiga asoslanadi.

Bunday ulkan vazifani muvaffaqiyatli amalga oshirishda o’qituvchi va talabalarga davlat tilida kerakli o’quv adabiyotlarini yetkazish alohida ahamiyatga ega.

Ushbu uslubiy qo’llanma informatika fanidan C++ dasturlash asoslarini o’rganayotgan talabalari uchun mo’ljallangan bo’lib, uning asosiy maqsadi dasturlash asoslarini mukammal o’rgangan holda dasturlash imkoniyatlaridan xabardor qilib, kompyuter bilan muloqot o’rnatish usullarini o’rgatish va unda turli masalalarni yecha olish bilim va malakalarini shakllantirishdan iboratdir.

Uslubiy qo’llanma C++ dasturlash tillarining asosiy elementlari, ma’lumotlarning turlari, funksiyalari, operatorlari, dasturlash texnologiyasi, dasturlardan namunalar, amaliy mashg’ulotlar, mustaqil ishlash uchun masalalar,testlar va foydalanish uchun adabiyotlar ro’yxatini o’z ichiga olgan.

Uslubiy qo’llanma matematika ta’lim yo’nalishida “ Informatika” fanidan dasturlash asoslarini o’rganayotgan 1-kurs talabalari uchun mo’ljallangan.

Bundan tashqari uslubiy qo’llanmadan C++ dasturlash tilini o’rganishga qiziqqan barcha maktab, akademik litsey va kasb-hunar kolleji o’quvchilari, oliy o’quv yurti talabalari va magistrlari ham foydalanishlari mumkin.