B. X. Xodjaev umumiy pedagogika ta’lim sohasi bakalavriat ta’lim yo’nalishlari uchun darslik «Sano-standart»

Kognitiv – bilish jarayoni.

Kollektiv – jamoa, umumiy maqsad yo’lida shaxslarning o’zaro munosabatlari, tashkiliyligi va intilishlari bilan bir-biriga monand turg’un sotsial (ijtimoiy) guruh.

Kommunikatsiya – kishilarning o’zaro muloqotlarida axborotlar almashish tavsifi.

Kommunikativ ko’nikma – muomala qila olish, pedagogik texnika malaka va ko’nikma tushunchasi.

Kommunikativ faoliyat – pedagogning tarbiyalanuvchilar, boshqa pedagoglar, jamoatchilik vakillari, ota-onalar bilan maqsadga muvofiq o’rnatgan munosabatlari.

Konstruktiv faoliyat – u o’zida konstruktiv mazmun (o’quv materiallarini tanlash va joy-joyiga qo’yish, pedagogik jarayonni rejalashtirish va tashkil etish), konstruktiv – operativ (o’zining va talabaning xatti-harakatlarini rejalashtirish), konstruktiv – material (pedagogik jarayonning o’quv-material bazasini loyihalashtirish) ni birlashtiradi.

Konflikt – qarama-qarshi qarashlar, fikrlar to’qnashuvi, jiddiy ziddiyat, qizg’in bahs.

Kreativlik – betakror qadriyatlar yaratuvchi, nostandart echimlar qabul qiluvchi individning botiniy qobiliyati.

Kuzatish – biror pedagogik hodisa bo’yicha konkret faktik material olish maqsadini ko’zlagan idrok etishning shakli.

Ko’nikma – o’rganish natijasida qo’lga kiritilgan, beixtiyor, avtomatik tarzda bajariladigan harakat. Ko’nikmalar biror harakatni nazoratsiz, avtomatik tarzda bajarish qobiliyatlaridir.

Ko’rsatma – ehtiyojning mavjudligi va obyektiv vaziyat hamda uni qondirish bilan bog’liq ravishda oldindan shaxslarning ma’lum faolligini tayyorlash, ularni joylashtirish.

Malaka – shaxsning o’zi egallagan bilimlari asosida ularning yangi sharoitdagi yangiliklar bilan birga, ma’lum bir faoliyatni samarali bajarish qobiliyatidir.