Б. X. Madrimov

   To‘garakda  o‘quv  –  tarbiya  ishlari.
    Har  bir  musiqiy  asarning  mazmuni  insonni 
axloqiy  tarbiyalash  vositasiga  ega,  chunki    har  bir  qo‘shiq  (asar)  o‘z  g‘oyasiga  ega. 
Qo‘shiq  so‘zini  o‘rganishda  o‘quvchilar  ana  shu  g‘oyani  ochib  beradilar.                                                        
O‘quv  –  tarbiya  ishlari  o‘quvchilarda  vokal  –  xor  hamda  ijrochilik  malakalarini 
shakllantiradi, nazariy bilimlarini rivojlantiradi. Buning uchun to‘garak rahbari o‘quv – 
tarbiya  ishlariga  jiddiy  e’tibor  berib,  turli  xil  mavzularda  kechalar,  suhbatlar, 
uchrashuvlar,  ma’ruzalar,  musiqa  asarlarni  tinglash  uchun  suhbatli  konsertlar  o‘tkazib 
turishi,  hamda  teatr  va  muzeylarda  jamoa  bo‘lib  borishi  kerakligini  e’tibordan  chetga 
qoldirmasligi kerak. Shuningdek, san’at  ustalari, xalq artistlari, atoqli davlat arboblari, 
zamonamiz qahramonlari hamda  badiiy havaskorlik jamoalari bilan ijodiy uchrashuvlar 
o‘tkazib  turish  to‘garak  a’zolarini  har  tomonlama  bilim  saviyasini  oshiradi  va  ularni 
ijodiy barkamollik sari yetaklaydi.          
     To‘garak  xorida  o‘quvchilarga  musiqa  savodi,  solfedjio,  musiqa  tarixi  bo‘yicha 
bilim  berish bilan birga  ularda vokal  – xor  malakalarini hosil qilish kabi ta’limiy  va 
tarbiyaviy ishlar ham olib boriladi. Musiqa tarbiyasining ajralmas qismi bo‘lgan musiqa 
savodi  esa  to‘garak  ishtirokchilarining      yuksak  ijrochilik  mahoratiga  erishish  uchun 
zarur bo‘lgan omillardan biri hisoblanadi.  
       Musiqa  savodiga  oid  bilimlar  xorda  doimiy  ravishda  olib  borilsa,  xor 
ishtirokchilari asta – sekin notaga qarab qo‘shiqni kuylashni o‘rganadilar. Shu yo‘l bilan 
ish jarayonida musiqa savodining boshqa elementlari ham o‘rgatilib boriladi.   Demak, 
shuni  ta’kidlab  o‘tish  kerakki,  ko‘zlangan  ijobiy  natijalarga  erishish  uchun  o‘quv  – 
tarbiya ishlari reja asosida olib borilishi maqsadga muvofiqdir.